ЭДЬИГЭЭНТЭН төрүттээх Леонид Афанасьевич Саввин - Түмэр Ойуун бэйэтин эйгэтигэр соҕотох, дьоҥҥо-сэргэҕэ көстө сатаабат, бэйэтин кистэнэ сылдьар.

Олох хамсаабат сыаннаһа - ТАПТАЛ, ханнык да бириэмэҕэ бэриммэт, кэмҥэ суураллыбат киһи-аймах ыраас, сырдык иэйиитэ. Тапталы билбэтэх киһи бу сиргэ дьолу билбэтэҕин кэриэтэ. "Аартык.ру" редакциятыгар икки атахтаах тулхадыйбат иэйиитин хоһуйар суруктар киирэллэриттэн сиэттэрэн "Ытарҕа" диэн саҥа рубриканы арыйабыт.

“Россия илиҥҥи территорията, дойду арҕаа сытар регионнарын кэриэтэ сайдыылаах буоларын ситиһиргэ, саҥа хаһаайыстыбаннай сыһыан олохтонуохтаах”, - диэн, бу соторутааҕыта “Литературнай хаһыат” сэтинньи 21 күнүнээҕи нүөмэригэр Вячеслав ШТЫРОВ суруйда (http://www.lgz.ru/article/20294/).

"Аартык.ру" интернет-хаһыат сэтинньи 15 күнүгэр "Юрий ЗАБОЛЕВ: "Хом санаам суох..." диэн ыстатыйатын кэнниттэн редакция төлөппүөнэ "кытаран" эстэ сыста. Омос көрдөххө да, сыныйан аахтахха да киһи туох да кэтэх санааны булан ылбат судургу интервьюта. Ол гынан баран, тоҕо эрэ, Дьокуускай куорат дьаһалтатын сорох үлэһиттэрин, кинилэргэ тугунан да сыһыана суох сорох дьону  улаханнык аймаабыт буолан таҕыста. 

Ханнык баҕарар тэрээһин өрөспүүбүлүкэ таһыгар ыытыллар буоллаҕына, аан бастаан, инвестордары кытары үлэҕэ болҕомто ууруллар үгэстээх. Дьиҥинэн, төһө дуогабар түһэрсиллэр да, соччонон тэрээһин көдьүүстээҕэ сыаналанар.

Сэтинньи 20 күнүнэн Дьокуускай-Төхтүр-Дьокуускай туһаайыытынан уунан сырыы тохтотулунна.

Быйыл, ааспыт сылларга тэҥнээтэххэ, өрүс турар кэмигэр уунан сырыы балайда эмэ наҕыллык ааста. Өрүһү туоратарга “ЛОРП” ААО самалык тэрилтэтэ “Север” СК ХЭТ үлэлээтэ. Жатайдааҕы суднолары үлэлэтэр техническэй флот парома “Жатай-1”,  «Капитан Бурковский» буксира, «Капитан Бородкин» ледокола онно үлэлиир 50-ча речник  тыйыс айылҕаҕа кыахтара баарынан, саталлара тиийэринэн үлэлээтилэр.

Дьокуускайга, сэтинньи 16-17 түүнүгэр, Москваттан кэлбит үтүө сурах дьон-норуот сүргэтин олус көтөхтө. Бу үүммүт нэдиэлэ барыта онтон саҕаланна: "Иһиттигит дуо?!"  Депутат Афанасий МАКСИМОВЫ илэ билэр да, билбэт да дьон бэйэ-бэйэлэрин" үчүгэй сураҕынан" эҕэрдэлэһэн күннэрин бараатылар. Биллэн турар, ол быыһыгар сиилээччи-хооһурҕааччы, сээбэҥнээччи-сэтэрээччи  ханна барыай, ол эрээри оннуктар сүлүһүннээх тыллара уопсай күргүөмҥэ суураллан истилэр.

***

Бэнидиэнньик киэһээ, сэтинньи 19 күнүгэр,  интернет-хаһыаттартан, депутат аймахтарыттан сонуну истибит дьон, сүнньүнэн Афанасий МАКСИМОВ биир дойдулаахтара, "Максимов дьыалата" диэн ааттаммыт биэс сылы быһа унньуктаах уһун эккирэтиһии түмүктэнэригэр көмө-тирэх буолаары сүбэ-соргу түмээри муһуннулар.

Гордума депутаттара - "Оһуохай" общество салайааччыта Александр ДАНИЛОВ, Айаал БУРЦЕВ, "За реформу в ЖКХ" общественнай хамсааһын салайааччыта Алексей ПЕТРОВ уонна "Наша столица" хамсааһын чилиэнэ Афанасий ФЕДОРОВ  Саха сирин бары олохтоохторун: "Ил Түмэн депутата МАКСИМОВ А.Н. уонна кини биир идэлээхтэрин ЧИКАЧЕВ И,, ПАХОМОВ И., РОЖИН В. дьыалаларын Саха республикатын Үрдүкү суутун президиума кырдьыктаахтык көрөрүгэр уонна быһаарыы ыларыгар ЫҤЫРЫЫ таһаарыахха", - диэн этии киллэрдилэр.
Мустубут дьон ЫҤЫРЫЫ Афанасий МАКСИМОВ биир дойдулаахтарын аатарыттан бастаан тахсыан наадатын, онтон ону салгыы республика атын улуустара уонна оруйуоннара, омугуттан тутулуга суох Кырдьыгы өрө тутар биирдиилээн дьон бары өйүөхтэрэ  диэн эрэннилэр. 

Онон, сарсын-өйүүн ЫҤЫРЫЫ ис хоһооно сааһыланан киэҥник иһитиннэрэр-биллэрэр тэрилтэлэринэн тарҕанан дьон-сэргэ болҕомтотугар тахсыаҕа диэн эттилэр.

***
Санатар эбит буоллахха, 2012 сыл сэтинньи 16 күнүгэр, РФ Үрдүкү суута "Максимов дьыалатын" үөрэтэн баран, СР Үрдүкү суутун президиумугар дьыаланы  хаттаан көрөллөрүгэр сорудахтаабыта. Максимов адвокаттара этэллэринэн, бу "суохтан баар" оҥоһуллубут дьыала олус элбэх сокуону кэһэн тэриллибитин дакаастыыр чахчылар булуллубуттар. Бастатан туран, бу дьыалаҕа эмсэҕэлээччи суох. Прокурордар "Саханефтегаз" ННГКаны сиэртибэ оҥоро сатаабыттарын, "саханефтегазтар" кыккыраччы аккаастаммыттара. 50 мөлүйүөннээх вексели "уорбуттар" диэн буруйдаабыттара, адвокаттар "Якутгазпромҥа" ол вексель чахчы туттарыллыбытын туоһулуур кассовай-приходной докумуон  булбуттар. "Ону таһынан,  аҥаардас холуобунай дьыала тэриллэр бэрээдэгэ сокуону толоостук кэһэн туран, туох да быраабыланы, ирдэбили тутуспакка сымыйанан тэриллибитэ" диэн адвокаттар этэллэр. 
***