Сахалыы билбэт чиновниктарга ыстатыйаны талбыттарынан "нууччалаан" да биэрбиттэр, сахалыы билэллэрэ улаҕа-биэтэс өттүн тымтыктанан көрдөөбүттэр да диэн...  Ама да быыбардар чугаһаабыттарын иһин,  түҥнэрини көрдүүртэн төбөнү сынньата да түһүөххэ баара. 

Биир бэйэм - ааптар киһи, Юрий ЗАБОЛЕВЫ интриганы көрдүү сатыы олорор  диэн букатын ылымматаҕым, хата, төттөрүтүн Дьокуускай баһылыгын дуоһунаһа кини кыаҕын таһынан таһаҕас буолбутуттан аһыныах санаам кэлбитэ. Алтыс этээскэ кабинет, түннүгэ диэн халлааны "көрөр" икки чуолҕан, дьоҕус библиотека, үөһээ долбуурдарынан кэчигирэтиллибит иконалар... Ханан да хааннаах батаһы туппут өргөс-кылаан тыыннаммыт боотуртан ураты киһи олороро. Бэйэтин кыаҕынан үчүгэйгэ талаһар, тугу эрэ сырдыгы баҕарар, сааһыра барбыт экс-мээр... Бүттэ. 
Онон, маннааҕы убайдар, төбөҕүтүн сынньыбакка, хайа хоонньуттан быһычча тахсарын кэтэспэккэ, нус-хас сылдьыҥ диэн этиэхпин баҕарабын. 

Туйаара НУТЧИНА,
Аартык.ру.