Аныгы кэмҥэ хаһыат, сурунаал эгэлгэтэ атыыланар. Олор быыстарыгар тас көстүүлүүн, ис хоһооннуун арыый ураты таһаарыы баар буолан биэрдэ. Сурунаалы тэрийэн, бэлэмнээн таһаарбыт  редактор Мария Дегтярева-Күндүүнэ кэпсиир:    

Мин былыр хаһан эрэ
Алтаай улуу сыһыыларынан 
Хааман хаспалдьыйар
Хатын хаан талыыта этим

Төрөөбүт алааһым миигин алгыыр
Тиэргэним иччитэ куруук араҥаччылыыр..
Саҥа олохсуйбут сириҥ- уотуҥ бастаан атыҥырыыр
Сиэри-туому тутуһуоххар диэри кэтиир.....

Санаам түөрт истиэнэтигэр хам хараҕаланан
Өйүм күрүөтүн иһигэр тула холоруктаан
Саҥарар санаам сыппаатаҕыан,
Этэр этим кэлэҕэйдээтэҕиэн...

Аһаҕас буолуу дьиксиннэрэр
Боростуой майгы сонньутар
Туруору саҥарыы кэлэтэр
Көнө киһи күлүүгэ киирэр 

Байбал кыыһырбыт омунугар илиитэ хаан-билик буолбутун дьиэтин таһыгар кэлэн баран биирдэ эрэ өйдөөн көрдө. Өссө сирэйим хайдаҕа биллибэт, аны дьиэлээхтэрим куттаныахтара диэн, туох эмэ киһи соттуон айылааҕы көрдөөн тула-мала эргичиҥнээтэ. Штакетник иһигэр хоҥкуйбут хатыҥ төрдүгэр аҕыйах хаар туртайарын тобулу көрдө. Аны онно киирээри тоһоҕоҕо ыстаанын хайа тардан кэбистэ. Оруобуна эмэһэтинэн!

Хас эмэ сыл көрсүбэтэх дьүөгэлэр биирдэ “девичниктаатыбыт”. Тыл этээһин, баҕа санааны үллэстэр кэм кэлбитигэр биир кэргэнэ суох дьүөгэбит туран: “Эр дьоҥҥутун харыстааҥ!” - диэн этэн соһутта. Онуоха: “Бастаан бэйэҥ олорон көр, онтон ханнык тылы этэргин көрүөхпүт”, - диэн буолла.

Үгүс дьон оҕолорун кыахтаах, баай-талым ыалга кийиит, күтүөт оҥоруохтарын баҕараллар. Төрөппүт оҕотугар үтүөнү баҕарара кэмэ суох буоллаҕа. Ол гынан баран, халыҥ аймахтар, ордугургаһар уруулар эдэрдэр олохторугар аһара орооһон, эдэр дьон истиҥ иэйиилэрин ыһан кэбиһэллэрэ баар суол.