«Дьиэ кэргэн төрдө — тылга уонна итэҕэлгэ»

Четверг, 25 Декабря 2014 01:21
Оцените материал
(4 голосов)
Аныгы кэмҥэ хаһыат, сурунаал эгэлгэтэ атыыланар. Олор быыстарыгар тас көстүүлүүн, ис хоһооннуун арыый ураты таһаарыы баар буолан биэрдэ. Сурунаалы тэрийэн, бэлэмнээн таһаарбыт  редактор Мария Дегтярева-Күндүүнэ кэпсиир:    

- Мария, бу сурунаалы туох санааттан бачча балыырдаах кэмҥэ таһааттардыҥ? Тоҕо «Күбэйэ» диэн ааттаатыҥ?

- Маннык сахалыы куттаах сурунаалы таһаарыахпын баҕарбытым син балайда буолла. Муоданан, гламурунан үлүһүйүүнү, атын омук сыаннастарын батыһыыны букатын сөбүлээбэппин. Уһун кэмҥэ наука эйгэтигэр тылы чинчийиинэн дьарыктаммыт буоламмын, саха омук билиҥҥитин уонна инникитин син тэҥнээн, анааран көрөргө дьулуһабын. Аан дойду аана аһыллан, дьон өйө-санаата ыһыллан эрэр уустук кэмигэр тыл эйгэтин кэҥэтэр, омук кутун-сүрүн көтөҕөр, түмэр хайаан да ирдэнэр. Оттон дьиэ кэргэн омук дьылҕатыгар биир тутаах суолталаах. Ол иһин сурунаалбын «Күбэйэ» диэн ааттаатым. Ону «дьиэ кэргэн төрдө» диэн өйдүөххэ сөп.

- Туох туһунан суруйаҕыт? Сурунаал хаста тахсар? 

- Сүрүн сорукпут: саха тылын сайыннарыы, саха итэҕэлин сөргүтүү, ыал буолуу, оҕону иитии-үөрэтии, уйулҕаны тургутуу уонна чэбдигирдии диэн. «Күбэйэ» икки ыйга биирдэ тахсар. Аныгыскы нүөмэр кэлэр сыл олунньутугар тахсыаҕа.

- Сурунаал бэйэтин ааҕааччытын булуо дии саныыгын дуо?

-  Саха ыалын иитии, уопсайынан “саха ыала” диэн өйдөбүл кэлиҥҥи кэмҥэ олох суолталаммат буолан иһэр.  Ол түмүгэр эдэр ыаллар арахсаллар, оҕолорбут араас дьаллыгы  батыһаллар, сорох эдэр дьахталлар баайы-дуолу эккирэтэллэр, сорох эр дьоммут аһыы утахха умньаналлар... Онон сырдатыы, иитии, үгэскэ, сиэргэ-туомҥа үөрэтии, сүбэ-соргу тиэрдии утумнаахтык барыахтаах дии саныыбын. Уонна тас дойду, атын омук сабыдыала төһө да улаханын иһин, «дьэргэлгэн олохтон» кырдьыгы, дьиҥи арааран көрөр дьоҕурдаах  дьон сахаларга элбэхтэр, оннук дьон “Күбэйэ” сурунаалы доҕор-атас оҥостуохтара диэн эрэнэбин.    

***

Аартык.ру       

     

 

Комментарии 

#1
мадамесвеером 25.12.2014 12:45
кто такая дегтярева? жена бывшего министра?
#2
курт 26.12.2014 21:28
Мария - красивица
#3
Өрөкүй 31.12.2014 07:19
бэркэ тэриммит-биһири ибин өйүүбүн!!

Добавить комментарий

Защитный код
Обновить

Aartyk.ru