Сахалыы
Росимущество ТУ салайааччыта Игорь ТРЕСКОВ дьонун кытары быраһаайдаһар
Пятница, 21 Сентября 2012 21:39Илья МИХАЛЬЧУК Дьокуускай куорат дьаһалтатын салайааччытынан үлэлээбит сылларыгар таҥыллыбыт "гвардия" биир бэрэстэбиитэлэ Игорь ТРЕСКОВ Москваҕа көһөн барарынан, бииргэ үлэлээбит коллегаларын, билэр дьонун, доҕотторун кытары нэдиэлэ устатын тухары быраһаайдаста.
Тресков куорат салалтатыгар 1998 сыллаахха кэлбитэ. Быраап управлениетынсолбуйар начальнигыттан баһылык солбуйааччытыгар тиийэ үүммүтэ. Кини куорат дьаһалтатыгар кэлиэн иннинэ түөрт сыл, оччотооҕу мээр - Спартак БОРИСОВ кэргэнэ салайар "Якутия" коммерческэй бааныгар юристконсультааннаабыта.
Миниистир солбуйааччытын тэрилтэтэ туппут оскуолата сууллан эрэр?
Среда, 19 Сентября 2012 10:40Сылын ахсын тыаҕа саҥа таас оскуолалар тутуллан киирэллэр. Ол гынан баран, Амма улууһун Өнньүөһүн оҕолоро үс сылы быһа Балаҕан ыйын 1-гы күнүгэр саҥа оскуолаҕа киирэллэрэ уһаан-кэҥээн иһэр.
"Аартык.ру" редакциятыгар Өнньүөс олохтооҕо төлөппүөннээн "саҥа тутуллубут таас оскуолалара сууллан эрэрин" туһунан айманан кэпсээтэ. Икки этээстээх таас оскуола быйыл үлэҕэ киириэхтээх үһү да, тутуллан бүппүт дьиэ хас да сиринэн хайа баран хаалбыт...
Юрий ЗАБОЛЕВ куорат бырааһынньыгар кэлэ сырытта
Среда, 19 Сентября 2012 09:11
Дьокуускай куорат дьаһалтатын үлэһитэ кэпсииринэн, 380 сыллаах үбүлүөйгэ мээр Айсен НИКОЛАЕВ "Седьмое небо" рестораҥҥа ыҥырыылаах ыалдьыттарын күндүлээбит. Ыаллыы регионнар губернатордарын, кинилэр солбуйааччыларын, депутаттарын корпустарын бэрэстэбиитэллэрин сэргэ Дьокуускай урукку салалтатыгар үлэлээбит дьон баара. Кинилэр ортолоругар Юрий Вадимович ЗАБОЛЕВ эмиэ.
Ытык Күөлгэ алдьархай таҕыста
Понедельник, 17 Сентября 2012 11:48Балаҕан ыйын 13 күнүгэр Таатта улууһугар, Ытык Күөлгэ полиция үлэһитэ саалаах киһини ытан өлөрдө.
42 саастаах эр киһи итирэн баран дьиэтигэр сааламмыт. Дьонун, ыалларын куттаабыт. Ийэтэ итирик уолун тохтото сатаан баран полицияҕа төлөппүөннээбит. Полициялар кэлбиттэригэр саалаах киһи утары тахсан саанан дугдуруйбут. Түмүгэр бэйэтэ ытыллан суорума суолламмыт.
Имик-самык куорат уку-сакы дьорото
Понедельник, 17 Сентября 2012 09:39380 сыл. Түөрт үйэ кэриҥэ. 15 көлүөнэ олоҕо. Муҥур үйэлээх икки атахтаах олоҕунан кээмэйдээтэххэ - баһаам. Киэлитэ биллибэт киҥкиниир киэҥ куйаар кэминэн тэҥнээтэххэ - кыл түгэнэ.
Куоратым түүнүн көрбөтөҕүм ырааппыта дуу, тугуй, Дьокуускай уота-күөһэ олус кэмчи да буолбут. Уулуссалар уоттара имик-самык, аҥаар эрэ өттүн килбиктик кылам гыннараллар. Сайсары күөлгэ тутуллубут улахан муоста даҕаны сандааран көрсүө ини диэбитим - им-ньим. Улуу убайдарбыт сөҥүөрбүт күлүктэрэ турар болуоссаттар хараҥаларыын...
"ЕРЕМЕЕВ дьыалатын" сыаната - 170 000 солкуобай
Понедельник, 17 Сентября 2012 09:02Дьокуускайдааҕы куорат суута Алексей ЕРЕМЕЕВ олоҕо суохтук 4 сылы быһа сор хаанын испит силиэдэбэтэллэри, прокуратураны үҥсүбүт дьыалатын дьүүллээн уураах таһаарда. Ыччат урукку миниистирэ саат куттарыытын 5 000 000 солкуобайы көрдөөбүтүн суут 170 000 солкуобайынан быста. Киһи дьоһуна аныгы үйэҕэ итиччэ суумалаах буолан таҕыста.
Джурович: "Петровтаах Сидоровка памятник туруоруохха наада", - диир
Четверг, 13 Сентября 2012 11:22Куорат Думатын дьокутаата Александр Джурович ДАНИЛОВ, бүгүн 10.00 чаастан Республикатааҕы пресс-кииҥҥэ "За реформу ЖКХ" общественнай хамсааһын суруналыыстары кытары көрсөр мунньаҕар: "Өскөтүн олох-дьаһах коммунальнай хаһаайыстыбатыгар көрүллэр федеральнай үп-харчы тустаах сыалыгар 100% тиийэрин ситистэххитинэ, эһиэхэ, тэрийээччилэргэ, памятник туруоруохха наада", - диэн эттэ.
Леонид ШИТИК оннугар Евгений СИДОРОВ фонданы салайыаҕа
Понедельник, 10 Сентября 2012 09:24"Целевой фонд будущих поколений РС(Я)" бюджеты таһынан фонда 1993 сыллаахха тэриллибитэ. Кэнники кэмнэргэ бу фонда тула араас бөрүкүтэ суох сурах тарҕана сылдьыбыта.
Фонда Чокурдаахха балык собуотун тэрийбитин саарбахтыыр дьон баара. "Оҕоҕо, ыччакка аналлаах фонда балык собуотунан тоҕо дьарыктанарый?" диэн ыйыталлара. Ону утаран хоту улуус олохтоохторо "төрөппүт киһилии олохтоох, үлэлээх-хамнастаах эрэ буоллаҕына, дьоһун ыччаты иитэр кыахтаах, аныгы оборудованиелаах собуот тутуллубута ийэ-аҕа үлэлээх буоларын хааччыйар" диэн редакциялары суругунан тибийбиттэрэ.
"САХАБУЛТ" ААО генеральнай дириэктэрин уһулан эрэллэр?
Пятница, 07 Сентября 2012 09:27Аартык.ру интернет-портал редакциятыгар "Сахабулт" ААО ФАПК-ҕа Президент иһинэн Государственнай контрольнай управление үлэлээн, "бюджет үбүн атын сыалга туттуу" курдук элбэх кэһии булбутун уонна тэрилтэ генеральнай дириэктэрэ Никифор ПЕТРОВ "дуоһунаһын ирдэбилигэр эппиэттээбэт" диэн түмүк оҥорбутун туһунан иһитиннэрии киирбитэ. Бу "сонун" төһө олохтооҕун билээри Никифор ПЕТРОВЫ кытары көрсө сырыттыбыт.
Нолуок, бэрик - бото-болдьох
Пятница, 07 Сентября 2012 09:09Нолуок төлөөбөккө бухгалтерскай отчуотун түҥ-таҥ оҥорон, биир Мииринэй предпринимателэ хааһынаны 38 мөл. солк. матарбыт. Ол туһунан тустаах уоргаттар билэн бэрэбиэркэлээн баран тараччы тутан ылбыттар.