Судаарыстыбаннаспыт күнүгэр: «Мединститут иннигэр ким пааматынньыга турарый?» - диэн ыйыппыттарыгар, биир устудьуон итинник хоруйдаан дьону бэркиһэппитэ баар. Хомойуох иһин, саха омук сайдарын туһугар үлэлээбит, бар-дьонун иннигэр үрүҥ тыыннарынан толук түспүт чулуу дьоммутун, аныгы ыччат билбэт.

Афанасий Николаевич Максимов № 31 Чурапчы – Таатта уокуругуттан Ил Түмэн государственнай мунньаҕын депутата, Таатта улууһун тустууктарын туруорсууларын өйөөн, улууска көҥүл тустууну үрдүк таһымҥа таһаарар баҕаттан Федерация председателинэн 2005 сылтан талыллан үлэтин саҕалаабыта. Бастатан туран, Тааттаҕа тустуу инники өттүгэр сайдыытын, маассабаһын ситиһэргэ, хас биирдии нэһилиэктэртэн саҕалаан былааннаах үлэни ыытарга, материальнай базаны хаҥатарга, үлэ былаанын 2010 сылга тиийэ оҥорон, сыал-сорук туруоран, саҥа федерация састаабын талан үлэлээбитэ. Таатта улууһугар бастакы республиканский турниры Улуу Кыайыы 60 сылыгар анаан тэрийбитэ.

Элбэх киһи мустар сиригэр кэпсэтии, үксүгэр, сатаан тахсыбат. Тулуйан ким да кими да ситэри истибэт. Быһа түһэн саҥаран атыны кэпсээн барааһын, биитэр боппуруостааһын, эбэтэр, олох да аахайбаккка, бэйэ-бэйэни кытары атын тиэмэҕэ кэпсэтии. Тыл тылга киирсибэт буолуу. Оннооҕор, үс-түөрт буолан мустан олорон сэлэһэргэ кытары маннык буолар. Ол түмүгэр этиэхтээх, кэпсиэхтээх, туруорсуохтаах, быһаарсыахтаах киһи санаатын сиппэт. Истээччи утары саҥарса, быһаарса олордоҕуна киниэхэ атын киһи кэпсээниттэн туох да өйүгэр хаалбат. Бэйэтэ да ситэри тугу да кэпсээбэккэ хаалар. Эбиитин бэйэтигэр мэһэйдэһэн, истэрин таһынан, быыс булан, ырыта олорор: ханна эрэ истибитим…, сыыһаны саҥарар…, кураанаҕы куолуулуур…

Республика энергетиктарыгар кыһыҥҥы уонна сааскы ыйдарга өрөмүөн үлэтэ күргүөмнээхтик ыытыллар. Сир тоҥон турдаҕына, энергетиктар сайыҥҥы-күһүҥҥү өттүгэр сылдьарга эрэйдээх сирдэринэн үлэлээннэр, тыһыынчанан километрдаах уот ситимнэрин уларытан, бүтүн тыаны солоон наар онно түбүгүрэллэр.

«Кистэлэҥ күүс» хаһыат хайы-үйэ икки саастаах. Хаһыат дьоҥҥо-сэргэҕэ киэҥник билиннэ. Туспа ааҕааччылардаах, сүгүрүйээччилэрдээх.

2012 сылга «Кистэлэҥ күүс» өссө кэҥээн, уларыйан 100 лиистээх, көҥүл тыыннаах, элбэх информацияны иилээн-саҕалаан тарҕатар киэҥ хабааннаах, дириҥ ис хоһоонноох сурунаал быһыытынан сотору бастакы нүөмэрэ тахсара күүтүллэр.

«Муҥурун булларбатах киҺи» диэн саха норуодунай суруйааччыта Е.П.Неймохов «Кыым», «Социалистическая Якутия», «Эдэр коммунист» хаҺыаттар редактордарынан үлэлээбит талааннаах суруналыыс Иван Александрович Аргунов туҺунан олус бэргэнник эппитэ. Оттон кини үөрэнээччитэ, социологическай наука доктора У.А.Винокурова «Его последняя монография была написана как репортаж с петлей на шее» диэн ыстатыйа суруйбута. Иван Александрович Өксөкүлээҕи, Ойуунускайы о.д.а. саха киэн туттар дьонун көмүскэспитин иҺин «националист» диэн дьаралыктааннар докторскай үлэтин көмүскэттэрбэтэхтэрэ. БиҺиги аймах киэн туттар киҺитэ И.А.Аргунов «Социальная сфера образа жизни в Якутской АССР» диэн үлэтиттэн сиэттэрбит санааларбын кытары ааҕааччылардыын үллэстиэхпин баҕарабын.

Соторутааҕы "Кыым" хаһыат Дьокуускай куоракка сахалыы үөрэтии туһунан уочараттаах төгүрүк остуолун тэрийдэ.

Манна куорат үөрэҕин салаатын салайааччыта Евдокия Евсикова манныгы эппит:

"Киин куоракка төрөөбүт тылынан үөрэниэн баҕалаах оҕо ахсаана улаатан иһэр. 2010 сылга 31757 оҕо баар, кинилэртэн 60 %-на төрөөбүт тылынан үөрэнэр эбит буоллаҕына, 2011 сылга – 33858 оҕо, олортон 77,5 %-на сахалыы тыллаах. Дьокуускай куоракка 2011 сыл туругунан, 18 оскуолаҕа 71 сахалыы кылаас үлэлиир.

Билэргит курдук, Дьокуускай куоракка уонна кэккэ улуустарга норуот дьокутаатын Афанасий Максимовы уонна Игор Чикачеву, Игорь Пахомовы өйүүр илии баттааһын хомулла сылдьар.

Илии баттааһыны көҕүлүүр бөлөх биллэрэринэн, тохсунньу 18 күнүгэр 5458 илии баттааһын хомулунна. Кинилэр бу сыыппараны өссө чуолкайа суох дииллэр, сорох улуустар суол-иис ырааҕынан испииһэктэрин ыыта иликтэр.

Ааспыт нэдиэлэҕэ «Известия» хаһыакка премьер Путин В.В. “сайдыыны саныаҕыҥ, моһоллору туоруоҕуҥ” диэн ис хоһоонноох, дойду олохтоохторун кэпсэтиигэ ыҥырар матырыйаала  таҕыста. Ону олус сыныйан ааҕан баран, мин бэйэбит Сахабыт өрөспүүбүлүкэтин туругун-дьылҕатын туһунан толкуйга түстүм, тобулбун-санаабын сааһылыы сатаатым. Икки быыбар икки ардыларыгар үөскээбит быыһык кэм хас биирдии киһи олох, былаас уонна сайдыы туһунан саныырын, ырытарын, толкуйдуурун ирдиир. Ол тэҥэ, мин эмиэ “дойдубутугар, ол иһигэр биһиги өрөспүүбүлүкэбитигэр, бу быыбар тугу аҕалыай,  туох-ханнык дуорааннаныай, биһиги манна хайдах кыттарбыт нааданый?” диэн бэйэм санааларбын эридьиэстээн, бар дьоммун киэҥ кэпсэтиигэ ыҥырабын.