Евдокия Евсикова иннин биэрбэт - "төрөппүттэр оҕолорун сахалыы үөрэттэриэхтэрин баҕарбаттар"

Воскресенье, 29 Января 2012 21:09
Оцените материал
(0 голосов)

Соторутааҕы "Кыым" хаһыат Дьокуускай куоракка сахалыы үөрэтии туһунан уочараттаах төгүрүк остуолун тэрийдэ.

Манна куорат үөрэҕин салаатын салайааччыта Евдокия Евсикова манныгы эппит:

"Киин куоракка төрөөбүт тылынан үөрэниэн баҕалаах оҕо ахсаана улаатан иһэр. 2010 сылга 31757 оҕо баар, кинилэртэн 60 %-на төрөөбүт тылынан үөрэнэр эбит буоллаҕына, 2011 сылга – 33858 оҕо, олортон 77,5 %-на сахалыы тыллаах. Дьокуускай куоракка 2011 сыл туругунан, 18 оскуолаҕа 71 сахалыы кылаас үлэлиир.

“Дьокуускай куорат” уокурукка 1994 с., холобур, 4306 оҕо төрөөбүт, олортон бастакы кылааска 4087 оҕо киирбит. Онтон 2005 с. 4125 оҕо төрөөбүт, кинилэртэн төһөтө оскуолаҕа киириэ өссө биллибэт. Быйыл 3046 оҕо оскуолаҕа киириэн иннинээҕи саастаах оҕо тэрилтэтиттэн оскуолаҕа үктэниэхтэрэ. Биһиги бу оҕолор сахалыы кылаастарга киирэллэрин хааччыйар туһуттан, оскуола дириэктэрдэрин кытта үлэни ыыта сатаатыбыт. Быйылгы дьыл уратылаах: бастакы кылаастар саҥа ыстандаардынан үөрэннилэр. Биһиги педагогтары үөрэттибит, эспэримиэннээх үөрэҕи ыыттыбыт. Сахалыы кылаастарга 247 кылаас кэмпилиэгэ баар эбит буоллаҕына, онно үөрэнэр саха оҕотун ахсаана эбилиннэ.

Ол эрээри олунньуга син биир уларыйыылар буолуохтара, былаан халбаҥныаҕа. Ордук уустук балаһыанньа куорат киин өттүгэр баар. Манна эбии кылаастары тэрийэргэ усулуобуйа суох. Кэлэктииптэри кытта үлэни ыытабыт. Дириэктэрдэр үөрэх тэрилтэлэрин иһигэр үлэлиэхтэрэ. Ол эрээри, ыйытык көрдөрбүтүнэн, оскуолаҕа киириэн иннинээҕи саастаах оҕолор үгүстэрин төрөппүттэрэ оҕолоро нуучча кылаастарыгар үөрэниэхтэрин баҕараллар – түмүк оннук", - диэн.

Ким кырдьыгай: сахалыы үөрэттэриэн баҕарбат ТӨРӨППҮТ дуу, сахалыы үөрэттэриини тэрийбэт ЧУНУОБУННЬУК дуу?

Комментарии 

#1
Саха кыыhа 31.01.2012 15:51
Евсикованы уурэн кэбисиэххэ наада улэтиттэн. Туох баар мээр кандидаттарыгар ити боппуруосу кытаанахтык кётё5уёххэ наада.
#2
Саха уола 06.02.2012 13:27
Евсикова соптоо5ун олордо, ама кинини солбуйар киhи суох дуо. Оччо кыахтаах буолла5ына атын тэрилтэ5э костун, оскуоланы эбэтэр детсады салайдын. Хомойуох иhин мэр буолуон ба5алаах дьоннор Евсикованы утарбаттар, куоракка учууталлар, детсад улэhиттэрэ элбэхтэр.
Сана фед. стандарт тугу ирдиирий, тороппуттэр (Заказчиктар) туох бырааптаахтарый , тугу ситиhиэхтэрин собуй. Ба5ар олох сахалыы уорэтэри сорохтор утараллара буолуо, но сахалыы о5о аа5ар уонна суруйар буолуохтаах диэни бары ойууллэрэ буолуо. Итинник кылаастарга атын да омук о5олоро сылдьыахтара дии саныыыбын.

Добавить комментарий

Защитный код
Обновить

Aartyk.ru