Чараас эйгэ туһунан суруйуулары сэргиир, айылҕаттан айдарыылаахтар тылларын-өстөрүн сэҥээрэр ааҕааччыга бэлэх буолан "Кистэлэҥ күүс" сурунаал саҥа нүөмэрэ атыыга таҕыста.

Тугу гынарын билбэт турукка диэри кыйахаммыт киһи өлөрүөн да сөп. Оннук турукка ким баҕарар киирэр кыахтаах.
Былырыын сайын "президент быраата хоту таһаҕас арыаллаан  устан иһэн быһылааҥҥа түбэспитин" туһунан сураҕы истибит буолуохтааххыт. Соторутааҕыта бу холуобунай дьыала суукка көрүлүннэ. Буруйдаах Прокопий НЕСТЕРОВ диэн киһи РФ ХК икки ыстатыйатынан буруйа дакаастанна:  107 ыст. 1 ч. "Убийство, совершённое в состоянии аффекта" уонна 113 ыст.  "Причинение тяжкого или средней тяжести вреда здоровью в состоянии аффекта". 
Бу дьыаланы сэтээтэллээх суут көрдө. Судьуйа НЕСТЕРОВЫ 2 сыл 10 ый дьиэ хаайыытыгар уураахтаата.
***
Аартык.ру

Америкаҕа баар 2 мөл. дуоллар сыаналаах баайын-дуолун декларациялаабакка,  Госдумаҕа айдааны тарпыт  "ньыгыл" депутат Владимир ПЕХТИН мандаатын ууран биэрэргэ "бэйэтэ" күһэллибитэ. Билигин ол киһи РФ Регионнар сайдыыларын миниистиринэн ананан эрэ диэн "Ведомости" биллэрдэ.

2013 сыл олунньу 28 күнүгэр, алта сыллаах болдьоҕо бүтэн, СР Үрдүкү суутун председателэ Людмила ГОРЕВА боломуочуйатын уһулла уонна уоппускаҕа барда. Билигин председатель эбээһинэһин председатель 1-кы солбуйааччыта Е.В.Снегирева толорон олорор.

Олунньу 28 күнүгэр, дойду президенин ыйааҕынан, биһиги биир дойдулаахпыт, "Якутскэнерго" АК урукку генеральнай дириэктэрэ  Константин Константинович Ильковский Забайкальскай кыраай губернаторын эбээһинэһин толорооччунан ананна. 

- Бэстээххэ сарсыарда дьыбардаахха таҕыстахха ырыах-ыраах тимир чаҥкыныыра, убай маата-куута иһиллэр… тимир суолбут чугаһаатар-чугаһаан иһэр…, - диэн иллэрээ сыллааҕыта дьээбэ-хообо артыыһа  Аркадий НОВИКОВ улахан сыанаттан кэпсээн дьону күллэрбиттээҕэ. 
Тимир суол кэллэ. Ону сэргэ сир баайын хостуур улахан хампаанньалар эмиэ кэлэн эрэллэр.