Владимир ПЕХТИН мандаатыттан аккаастаныан иннинэ, Америкаҕа баар баай-дуол киниэнэ буолбатаҕын, бизнесмен уолун аатыгар сурулла сылдьарын эппитэ.
Санатар эбит буоллахха, Минрегиоҥҥа  былырыыҥҥыттан саҕалаан миниистир турбат тэрилтэтэ буолла. Билиҥҥи миниистир Игорь СЛЮНЯЕВ иннинэ утуу-субуу икки миниистир (Виктор БАСАРГИН, Олег ГОВОРУН) астаапкаҕа барбыттара, миниистир солбуйааччылара ууратыллыбыттара. Биир солбуйар миниистир - Роман ПАНОВ букатын  даҕаны Владивостоктааҕы саммитка анаан ыытыллыбыт тутууга харчыны сиэтэ диэн тутулла сытар.
Санатар эбит буоллахха, Игорь СЛЮНЯЕВ  биһиги президеммитин кытары олунньу 1-гы күнүгэр Москваҕа көрсө сылдьыбыта. Эргэ, хаарбах дьиэттэн дьону көһөрүүгэ Минрегион улахан болҕомтотун хатыаҕа диэн эрэннэрбитэ. Өссө ыам ыйыгар Мирегион Дьокуускайга коллегиятын мунньаҕа ыытыллыахтаах этэ. 
Миниистир уларыйан эрэринэн сибээстээн, биһиги республикабытыгар сыһыаннаах үлэ-хамнас хайдах барара эбитэ буолла...   
***
Аартык.ру