Түҥ былыр саҕаттан саха дьахтара барахсан ыалы – ыал, омугу - омук  гынар аналлаах. Сиэри-туому тутуһааччы, итэҕэли тарҕатааччы дьахтар буолар – бэл, номоххо киирбитинэн Омоҕой баай  кыыһа Сыспай Сыһыах   ыһыаҕы ыспытын туһунан уһуйээн баар.

 Бу  дьолу түстүүр, кэскили-кэрэни үксэтэр Кэрэ куолар күннэригэр, Саха Сирин  киэҥ нэлэмэн ньууругар олорор ыаллары, ийэлэри-эбээлэри, оҕолору-кыргыттары –   аҕыс хартыгастаах арылы маҥан халлааҥҥа олохтоох айыыларбыт, тоҕус хартыгастаах толомон маҥан халлааҥҥа олохтоох Үрүҥ Аар Тойоммут үтүө тыыҥҥытын өллөйдүү, хара тыыҥҥытын харыстыы сырыттын диэн алҕаатаҕым буоллун!

ДОМ!