Соторутааҕыта "Анаабыр алмаастара" ААО биир үлэһитэ редакция почтатыгар праймериз иннигэр дьаһалтата ыйаабыт биллэриитин хаартыскаҕа түһэрэн ыытта. Онно суруллар:
"Ув. работники!
26.04.13г. состоятся выборы!
Саскылахским, хаинским и всем кто получил временную прописку, собраться 26 апреля в 8 ч. у конторы. При себе иметь паспорт. Явка всем обязательна! Все голосуем за наших кандидатов
Андреев Иван Иванович, Карху Андрей Васильевич, Семенов Иван Иванович. Работники проголосовавшие за других кандидатов будут уволены.
За подробной информацией обращаться к начальнику участка."
Санатар эбит буоллахха, праймеризкэ Андреев Иван Иванович ("Нижнеленскэй" АО генеральнай дириэктэрэ, "Анаабыр алмаастара" ААО 1-гы солбуйар генеральнай дириэктэрэ) Хотугу-национальнай уокурукка биир мандаттаахха, Карху Андрей Васильевич ("Анаабыр алмаастара" ААО кыл. инженерэ) партия испииһэгэр киирсибиттэрэ.
Мантан аллараа Матвей ЕВСЕЕВ интервьютуттан быһа тардыыны ааҕыаҕыҥ:
"Мин бу партияҕа өр үлэлээтим. Хаһан да, “административнай ресурс” диэни туһамматаҕым. Кэнэҕэс да туһанар санаам суох. Атыттар да оннугу туһаммыттарын өйдөөбөппүн. Көрбөтөҕүм, көрбөппүн даҕаны. Быыбарга миэхэ “ыалдьан” албыннаабыттарын да өйдөөбөппүн. Дьон куолаһын бэйэтэ быһааран кимиэхэ эрэ куоластыыр. Уорбуппун да өйдөөбөппүн.
- Киһитэ эн буоллаҕыҥ... оттон атыттар?
- Суох, оннук көстүбэт ээ! “Административнай ресурса” диэн остуол үөһээ сытар бүлүүдэ буоллаҕа дии. Оннук баара буоллар мин көрүөм этэ буоллаҕа. Ону суох – көстүбэт! ФЕДОРОВ куорат мээригэр хотторон баран дьону үөхпүтэ дии. Хайдах сырыы аайы дьону үөҕэ сылдьыахха сөбүй?! Сыыһа буоллаҕа дии... “Албынньык” диир киһи бэйэтэ албын. Дьону уоруйахтыыр киһи бэйэтэ уоруйах. Бэйэтин ис дууһатын ити этэр".
***
Аартык.ру
***
Аартык.ру
Комментарии