Бириигэбэр хара маҥнайгыттан буруйдуур ис хоһоонноохтук саҕаламмытыттан сылыктаатахха, Афанасий Максимов, Игорь Чикачев, Игорь Пахомов уонна Владимир Рожин күлүүс хаайыытыгар ууруллууһуктар. Судьуйа прокурордар буруйдуур түмүктэрин устан кулугуратан ылбыт курдук. Кэннигэр, быһата хас сылга уураахтыырын эрэ суруйбут быһыылаах. Санатар эбит буоллахха, прокурор Афанасий Максимовка 12 сылы көрдөөбүтэ.

Дьыала көннөрү уоруу, боломуочуйаны үрдэтии курдук барбакка, өссө тэриллиилээх бөлөх диэн ыстатыйанан буруйданан эрэр. Сэрэйэргит курдук «тэриллиилээх бөлөх» накаастабыла ыар буолар.