Афанасий Максимов дьылҕата ахсынньы 12 күнүгэр быһаарыллыаҕа

Пятница, 02 Декабря 2011 13:19
Оцените материал
(1 Голосовать)

Бүгүн, ахсынньы 2 күнүгэр Дьокуускай куорат суутугар "Максимов дьыалата" диэн ааттаммыт айдааннаах холуобунай дьыала көрүүтэ салҕанна. Суут 12.00 чааска анаммыта да, атаҕын тоһутан балыыһалана сылдьар  Владимир Рожин быраастарга көрдөрөр буолан, балайда хойутаан кэллэ. 

 Икки баттык тайахха сылдьар Рожин бириигэбэр иннинээҕи тиһэх тылын аҕыйах мүнүүтэ иһигэр "этэн кэбистэ". Биллэн турар:  "Буруйдааҕынан ааҕыммаппын, "Якутгазпромҥа" мин үлэлиир кэммэр туох баар киирэр-тахсар үп, сыаналаах кумааҕы докумуоннанар этэ, онон буруйум суох", - диэтэ. Бу иннинэ Рожин  атаҕын тоһутан суут истиитэ иккитэ көһөрүллэн турар. 

Туораттан көрдөххө, кырдьык, Рожины "миигинниин биэс хааһах" диэбиккэ дылы, уоран сиэһин дьыалатыгар  "тэриллиилээх БӨЛӨХ" оҥороору "куолуу туппут" курдуктар. Оттон Чикачеву буруйдаахтары  "интернациональнай биригээдэҕэ" майгыннатаары кыбыппыт  буолуохтаахтар.

Суут бириигэбэрэ ахсынньы 12 күнүгэр 12.00 чаастан ааҕыллар диэн судьуйа Степан Попов быһаарда. Сууттанааччылар Афанасий Максимов, Игорь Чикачев, Игорь Пахомов, Владимир Рожин бэбиэскэлэрин илии баттаан ыллылар.

Комментарии 

#1
Саха кыыhа 04.12.2011 12:22
Оо урдуку айыылар кемелесун Афанасий Максимовка!

Добавить комментарий

Защитный код
Обновить

Aartyk.ru