Мээрийэ үлэһитин "дьоһун уобараһын" кэспит бастакы сиэртибэнэн, баһылык Айсен Николаев бэйэлээх бэйэтин пресс-сэкиритээрэ Ирина Ефимова буолбут. Суруналыыс сайыҥҥы чараас былааччыйатын "сиэрэ суох кылгас" диэн төттөрү дьиэтигэр утаарбыттар. Дьиҥинэн, биһиги көрөрбүтүгэр, Ирина  өрүү даҕаны киһи бырыынчыктаабат дьоһун, мааны таҥастаах-саптаах буолара, бүгүн даҕаны ураты кылгас былааччыйаны кэппэтэх буолуохтаах.

Сарсын мээрийэ аанын айаҕар отдел каадыр үлэһитэ тахсан дьаһалта чунуобунньуктарын таҥаһын-сабын сыныйан көрүөхтээх-истиэхтээх дииллэр.

Арааһа, кэрэ аҥаардар мээрийэ эр дьонун быһаччы үлэлэриттэн  аралдьыталлара бэрдиттэн ыксаан итинник дьаһал ыллахтара.