Бүгүн сааскы хахсаат тыаллаах сааскы күн да турдар, киһи сөҕүөх болуоссакка бэрт элбэх киһи мустубут. Дьокуускай куорат олохтоохторо эрэ буолбакка, улуустартан кытары дьон киирэн бу миитиҥҥэ кытыннылар, санааларын аһаҕастык эттилэр.
Плакаттарга суруллубут лозуннартан сылыктаатахха, политическай хабааннаах туруорсуулартан саҕалаан, киһи быраабын күннээҕи кэһиилэрин утары этиилэр дьон хараҕар быраҕылыннылар. Быраабы АРАҤАЧЧЫЛЫАХТААХ уорган, сороҕор күөмчүлүүрэ үгүһүн, ыгара-түүрэрэ элбэҕин үрдүкү трибунаттан "Ситим" РОО бэрэстэбиитэллэрэ, чуолаан - Николай Седалищев, Дьокуускайдааҕы Дума дьокутаата Александр Данилов, Ил Түмэн дьокутаата Владимир Федоров, суруналыыстар Уххан, Виктория Габышева, буруйу утары дьахталлар түмсүүлэрин бэрэстэбиитэллэрэ, онтон да атын общественнай тэриллиилэр чилиэттэрэ онтон да үгүс быраабы туруорсар дьон тыл эттилэр.
Миитиҥҥэ, аан бастаан, СӨ Ис Дьыала миниистирдэриттэн бастакынан маннык хабааннаах тэрээһиҥҥэ, Виктор Кошелев сырытта.
Кини уонна да атын дьон санаатын сиһилии сотору суруйуохпут.
Комментарии