Конференция сыала: федеральнай государственнай үөрэх стандарда оскуолаҕа киирэр кэмигэр оҕону төрөөбүт тылынан иитии уонна үөрэтии сайдар хайысхаларын сүрүннээһин.
Конференция бастакы чааһыгар олоҥхо педагогиката этнокультурнай үөрэхтээһин быстыспат ситимин олохтооһуҥҥа суолтатын, олоҥхо педагогикатын көдьүүстээхтик олоххо киллэрэргэ общественнай экспертизаны туһаныы о.д.а. боппуруостар тула сүрүн кэпсэтии буолуоҕа.
Конференция иккис чааһыгар олоҥхо педагогикатыгар тирэҕирбит аһаҕас уруоктар, дьарыктар, маастар-кылаастар ыытыллаллар, саҥа бырайыактары оҥоруу, көмүскээһин былааннанар.
Маны таһынан, конференция үлэтин иһинэн сахалыы үөрэх кинигэлэрин, мультимедийнай босуобуйаларын, С.К. Макаров аатынан Чурапчы гимназиятын музейын үлэтин билиһиннэрии буолар.
Конференция үлэтигэр учууталлар, эбии үөрэхтээһин педагогтара, төрөппүттэр, методистар, култуура үлэһиттэрэ, учуонайдар, уопсай орто үөрэх эйгэтин салайааччылара кыттыыны ылаллара күүтүллэр.
Саха тылын оскуолаҕа үөрэтии саҕаламмыта 90 сылыгар аналлаах республикатааҕы тэрээһиннэр түмүктэринэн «Төрөөбүт тыл уонна литература» научнай-методическай сурунаал анал таһаарыыта былааннанар.
Конференцияҕа кыттаргыт туһунан сайаапкаҕытын уонна тезистэргитин бу дьыл муус устар 2 күнүгэр диэри маннык аадырыска күүтэбит: 678670, Чурапчы с., Петровскай уул., 29. Тел. (8-251) 41-409, 41-452. Факс: (8-251) 41-409. E-mail: [email protected]