Сокуон суостаах

Пятница, 26 Августа 2011 10:50
Оцените материал
(0 голосов)

___new_190332Иэскэ-күүскэ да баайыллан олордор, сорох дьон уот ситимнэригэр быһалыы холбонон олороллорун тохтоппоттор.  Ордук чааһынай дьиэ  олохтоохтоохторо  электроэнергиянан буор-босхо туһана сатыыллар. Ол эрээри  маннык уоран туһаныы холобуонай дьыалаҕа тириэрдэрин үгүстэр билбэттэр.
Соторутааҕыта Өлүөхүмэ куоратыгар уотунан босхо туһанан олорооччуларга холуобунай дьыала тэриллэн, суут-сокуон иннигэр эппиэттээтилэр. 48 саастаах Өлүөхүмэ олохтооҕо электроэнергиянан туһаныы төлөбүрүгэр иэтээҕин үрдүнэн, быраҕыллыбыт ситимҥэ икки сыл устата холбонон, «Якутскэнерго» ААУо 16,6 тыһ. солк. хоромньуну таһаарда. Суут быһаарыытынан, «уоруйах» аҕыс ый устата үлэлээн уонна ыйдааҕы хамнаһыттан 15 %-нын төлөөн буруйун боруостуо.


Өлүөхүмэ куоратын өссө биир олохтооҕо балтараа сыл устата уот ситимигэр туох да докумуона суох холбонон, компанияҕа 28,4 тыһ. солк. иэскэ киирдэ.
Санатан эттэххэ, албыннаан-көлдьүннээн туран хоромньуну таһаарааччылар РФ Холуобунай кодексын 165 ыстатыйатын 1 чааһыгар олоҕуран муҥутаан 80 тыһ. солк. диэри ыстарааптаныахтарын уонна  көҥүллэриттэн быстарыахтарын сөп. Сыл саҕаланыаҕыттан республика 10 олохтооҕо сууттанан, үгүстэрэ иэстэриттэн номнуо төлөрүйдүлэр. Онтон 220 туһанааччыга холуобунай дьыала тэрилиннэ.
Анивера АКИМОВА,


«Якутскэнерго» ААУ АК пресс-сулууспата.

Добавить комментарий

Защитный код
Обновить

Aartyk.ru