Дьокутаат аймахтара иһитиннэрбиттэринэн, Афанасий Максимов СИЗОттан Үөһээ Бэстээх хаайыытыгар ыытыллыбыта ый кэриҥэ буолбут.
СИЗО урукку начальнига Мамедов бөрүкүтэ суох быһылааннар түмүктэриттэн ууратыллыбыт. Хата, билигин ол Мамедов Мохсоҕоллооххо тахсан ОДьКХ салайааччытынан лөглөс гына олорбут диэн этэллэр. Сабаҕалаатахха, өссө биир Ил Түмэн дьокутаатын - Алиш Мамедов биир ханнааҕа буолуон сөп. Кини кэнниттэн кэлбит СИЗО салайааччытын эбэээһинэһин толорор Сенкеев, бирикээс таһааран Үөһээ Бэстээхтэн Афанасий Максимовы төттөрү ыҥыттаран ылан карцерга уктарбыт. Киинэҕэ да көстөрүнэн, карцер диэн туох дьаабытын сэрэйиэххэ сөп. Куһаҕан уулаах, тоҥ хаһаа, ыт уйатын саҕа кээмэйдээх сиргэ норуот дьокутаатын симии ынырык да эбит!
Сенкеев "табаарыспын Мамедовы үлэтиттэн уураттардыҥ, ситиһиэм, Путиҥҥа үҥсүбүт буола-буола" диэн суоһурҕанан, өс саас ситиһээри дьокутааты карцерга уктарбыт диэн аймахтарыгар Максимов тиэрдибит. Дьоһунун тэбистэрбит, аатын алдьаттарбыт киһи - Афанасий Максимов сокуону кэһии салҕанан бара турарыттан кыһыйан-абаран аччыктааһыны биллэрбит. ..
Тыыннаах таһааралларыттан аастылар быһыылаах...
Комментарии