Спиридон БОРБУЕВ, Үөһээ Бүлүү улууһун дьаһалтатын баһылыгын солбуйааччыта “Аартык.ру” хаһыакка кэпсииринэн, бу күн улуус салайааччылара оскуола оҕолорун кытары көрсүспүттэр. Улахан кылаас оҕолоро ким туох буолуон баҕарарыттан  саҕалаан, аан дойдуга, Россияҕа, Саха сиригэр  буола турар балаһыанньаттан саҕалаан  Ийэ дойдуга, төрөөбүт төрүт  буорга тапталга тиийэ, кэпсэтиини таһаардылар.

 
Спиридон БОРБУЕВ: “Бу маннык көрсүһүүлэр хардарыта туһалаах эбиттэр. Оҕолор киһи сөҕүөн курдук барыны бары интэриэһиргииллэр, сэргииллэр эбит. Дьаһалта быһаарыытынан, сылга үстэ ыччаты кытары көрсүһүү аны ыытыллыах буолла: олунньу 10-гар – улууспут төрүттэмит күнүгэр, муус устар 27-гэр уонна балаҕан ыйын 27-гэр”, - диир.

Муус устар 27 күнүн киэһэтигэр, 17.00 чаастан улуус общественноһа кыттыылаах улахан бырааһынньыктааҕы мунньах буолла. Култуура киинин көмөтүнэн туруоруллубут үөрүүлээх концерт, ырыа-тойук кэлбит дьону-ыалдьыты сүргэтин улаханнык көтөхтө, диэн Спиридон БОРБУЕВ этэр.

***

Aartyk.Ru