Мунньахха, промышленность миниистирэ А.Панов, Айыл5а харыстабылын миниистирэ С.Афанасьев, Ил Тyмэн дьокутаттара Е.Голомарева, В.Потапов кыттыыны ыллылар, санаа yллэhиннилэр.

«Газпром геологоразведка» аатыттан бэрэстэбитэллэр – А.Ковригин, И.Медведева, Л.Ефимов, Е.Асеев тыл эттилэр.

Мунньахха, бу диэн эттэххэ, ураты тыыппалаах, туох да киhини «hык» гыннарар этии киирбэтэ.

Олохтоох норуоттар дьыл5аларыгар ыкса, быhаччы сыhыаннаах этиигэ тыл-тылга киирсиhии буолбата.

2011 сыллаахха, «Газпром» 100 бырыhыан аахсыйалаах тэрилтэтэ - «Газпром геологоразведка» Таас-Yрэххэ кэлбитэ ыраатта.

Билигин, Таас-Yрэх сэлиэнньэтин тула биэс ниэп-гаас улахан тэрилтэлэрэ yлэлииллэр. Санаатахха ыарахан: 500-кэ тиийбэт дьонноох сэлиэнньэ тула 3.500 ньиэптээник уонна газовик баар.

Улахан Ботуобуйа салаатыгар – Сокукаан сиhигэр  - «Газпром-Бурение». Кубалаахха – «Таасюряхнефтегаздобыча».

Улахан Ботуобуйа баhыгар, Чайанда уонна Танара Уоттаах эргин – «Иркутская нефтегазовая компания» (ИНК), «Сургутнефтегаз», Ампаардаахха - «Газпром-геологоразведка». Сэлиэнньэни кытары сэргэ – «Роснефтегаз».

«Газпром геологоразведка» диэн тэрилтэ Улахан Ботуобуйа баhынан ыырдаммыта ыраатта да Саха сирин экологтара, оройуон дьокутааттара, былаастар, чунуобунньуктар кyн бyгyнyгэр диэри билбэт этилэр.

Уопсайынан, 500-кэ да тиийбэт нэhилиэнньэлээх Таас Yрэх олохтоохторо ниэптээньиктэртэн, гаастартан олус диэн ыктаран, кыhайыы кылдьырытыгар олороллор.

Кинилэр тулалыыр эйгэлэрэ, иhэр уулара ыраас буоларын туhугар, yрдyкy былаастарбыт, уопсастыба туhугар «ыалдьааччы ааттаахтарбыт» кыhаллыбаттар эбит.

Ниэп-гаас кэлим тэрилтэлэрэ, бары атын куораттарга офистаахтар, счеттаахтар, успуонсардыыр сирдээхтэр.

Биллэн турар, ниэп-гаас дэлэйдик хостонор тyгэнигэр Аан Айыл5абыт эмиэ алдьанара, yрэхтэрбит киртийэллэрэ, таларбытыгар кыыл эстэрэ, салгын буортуйара саарбахтаммат.

Сокуон чэрчитинэн, маннык улахан промышленность дьоно, Таас-Yрэххэ, Мииринэйгэ кэлбиттэрэ, тугу гыналлара аhа5ас буолуохтаах. Хомойуох иhин, муус устар 19 кyнyгэр, «Конференц-саалга» буолбут иккис мунньахха миигин киллэрбэтилэр.

Мин, мунньахха кыттыым бобуллубутун, Мииринэй оройуонун дьаhалтатын пресс-сулууспатын салайааччыта Н.В.Анисимова, тус бэйэбэр биллэрдэ.

Ити курдук, терyт олохтоох суруналыыстан, бу кyн тугу дуогабардаспыттарын, туохха илии баттаспыттарын «сэкириэккэ туттулар».

Бу кyн буолбут, вертолетынан, Улахан Ботуобуйа устун сытар ниэп-гаас тэрилтэлэрин баахталаах учаастактарын кэрийиигэ эмиэ киллэрбэтилэр.

Бу – Арассыыйа суруналыыhын быраабын толоостук кэhии буолар. Ол эбэтэр, Холуобунай кодекс 144-с ыстатыйата – «Суруналыыстар сокуоннай идэтийбит yлэлэрин харгыстааhын», Арассыыйа Конституциятын бэhис пуунун 29-с ыстатыйата - бэчээт эйгэтин ыгыы, тyyрэйии суох буолуохтаах( «Гарантируется свобода печати, недопустимость цензуры».

Аны маннык баар дии:»Часть 4 статья 29 Конституции РФ – Каждый имеет право свободно искать, получать, передавать производить и распространять информацию любым законным способом».

Миигин мунньахха киллэриини туорайдаспыт, «Газпром геологоразведка» пресс-сулууспата, Арассыыйа сокуонун, Бэчээт сокуонун билэ да сатаабата хомолтолоох. Арассыыйа бэрисидьиэнэ Владим Путин суруналыыстарга этэн турардаах: Суруйун, мин эhиги диэккибин!».

Ама ону ааххайбаттар дуо «Газпромгеологоразведка» бэрэстэбиитэллэрэ?!

 ***

Станислав АЛЕКСЕЕВ, 
Мииринэй куорат.