Соторутааҕыта эмиэ биллэрии тарҕанна,  дьон бары тэрийээччилэр ким  хайдах майгылаахтарын билэ-билэ, харчыларын төлүү-төлүү  оҕолорун бу лааҕырдарга, куонкурустарга киллэрэ сатыыллара сыыһа дии саныыбын. Оҕолорун ханнык эрэ “звезда” оҥоро сатыыр ийэлэр толкуйдуохтарын наада. Урут кыыс оҕону күүһүлүөхтэрэ, атаҕастыахтара диэн куттанар буоллахпытына, билигин аны уолаттарбытыгар эмиэ куттал иэдээнэ буолла. Байбыт-топпут дьон анаан эдэр уолаттары “сакаастыыллар” диэн кэпсээн элбэх. Өссө ол дьиккэрдэргэ  “саҥа эти” поставкалыыр дьон бөлөҕө баар үһү. Гомосексуалистар кулуууптара үлэлиирин истэбит. Онон төрөппүттэри олох сэрэтиэхпин баҕарабын – оҕолоргутун, ордук уолаттары үҥкүүгэ, ырыаҕа олох биэримэҥ. Ити эйгэ олох сытыйан турар. Хас да сыллааҕыта омук сиригэр баран “гастроллаан” кэлбит оҕолор истэригэр туох эрэ улахан куһаҕан тахсыбыт. Билигин ити ансаамбыл уолаттарыттан хас да уол кыыстааҕар намыын буолан хаалбыттар, сорохторо ити эппит кулууптарбар сылдьар буолбуттар. Хайдах толору ыал оҕото итинник гей буолан хаалыай?! Анаан сутуйуу бара турар, ол иһин айылҕаны утары барбыт ориентациялаах уолаттар күн-түүн элбээн истэхтэрэ. Ыччаттары күүһүлээн баран шантажтыыллар диэн суруйбуккут олус кырдьык. Итини олох оннук истэрэ туолбут дьону ааттарын ааттаталаан саралаан иһиэххэ наада! Преступниктар буоллаҕа!

Любовь Ивановна,

төрөппүт.