Мин биир бэйэм оннук «хойох хостоһор» дьону сөбүлээбэт этим, дьон бары да оннук дьону ахсарбаттар этэ, билигин да ахсарбаттара буолуо. "Ол гынан баран" диирбэр тиийэбин. Билигин бэйэм оннук киһи буоларга күһэлинним. Тоҕо диэтэххэ арыы уу урдугэр дагдайарын курдук, кырдьык билиҥҥи биһиги сайдыылаах үйэбитигэр куруутун үөһэ буолуохтаах диэн санааттан. Онно миигин билиҥҥи сокуону ирдиир уонна ол ирдэбили олоххо киллэрэр былаас уорганнарын ситэтэ суох үлэлэрэ тиэртилэр диэн этиэхпин багарабын.

Уус-Алдан улууһун 1-кы Хоро нэһилиэгин баһылыга Бурцев Иван Гаврильевич нэһилиэк бюджетыгар хоромньу оҥорон икки сылтан ордук силиэстийэлэнэн баран, 2015 сыл алтынньы  26 күнүгэр, Уус Алдан оройуоннай суутунан "буруйдаах" диэн бириигэбэрэ тахсар. Сууттанааччы сокуон быһыытынан, уон хонук иһигэр ааһынар бырааптаах. Ол бырааба бириигэбэргэ сурулла сылдьар. Ескетун ити бириэмэгэ сууттанааччы кыайан ааьымматагына бириигэбэр сокуоннай кууьугэр киириэхтээх диэн сокуонна ырылыччы сурулла сылдьар, (РФ УПК-н 390 ыст.1ч).

Сууттанааччы Бурцев И.Г. бэриллибит бириэмэтин аһаран баран бириигэбэр таһаарбыт суутугар ааһынар сайабылыанньа түһэрбитин, суут хойутаатыҥ диэн аккаас биллэрэр. Онон суут быһаарыыта сокуоннай сиилэтигэр киирэр.

Нэһилиэк икки сылтан ордук баһылыга суох олорбутунан уонна суут уурааҕа сокуоннай сиилэтигэр киирбитинэн, нэһилиэк депутаттара 2016 сыл тохсунньу  16 күнүгэр нэһилиэккэ саҥа баһылык быыбарын 2016 сыл кулун тутар 13 кунугэр ыытар туһунан уураах таһаараллар. Бу уураахха Уус Алдан прокурора Антипин П.В. протест түһэрэр, уурааххытын тохтотуҥ, суут бириигэбэрэ сокуоннай сиилэтигэр киирэ илик диэн. Онон депутаттар быыбар ыытар туһунан ылыммыт уураахтарын тохтотор туһунан саҥа уураах ылыналлар.

Сууттанааччы баһылык Бурцев И.Г. бириигэбэр сокуоннай сиилэтигэр киирбитин кэннэ, Саха Республикатын Верховнай Суутугар ааһынар үҥсүү түһэрэр, Конституционнай быраабын туһанан.

Верховнай Суут 2016 сыл тохсунньу  19 күнүгэр Уус Алдан суутун уурааҕын оннунан хаалларар. Мин депутат буоларым быһыытынан, Уус Алдан прокурора нэһилиэк депутаттарыгар түһэрбит протеһа теһе сокуоннайый диэн Республика прокуроругар Подласенко А.А. ыйытык түһэрбитим ыйтан орто даганы эппиэт кэлэ илик.

Уус Алдан оройуонун суутун бэрэссэдээтэлигэр Стрекаловскай И.В. суут уурааҕа сокуоннай сиилэтигэр хаһан киирбитэй диэн боппуруос ыыппыппар суут уураага сокуоннай сиилэтигэр 2016 сыл тохсунньу  19 кунугэр диэн эппиэттээтэ. Саха ньоҕой, оҕото өссө ньоҕой диэбиттэринии, мин суут тойонугар иккистээн боппуруос ыыттым, эн ханнык докумуоҥҥа олоҕуран итинник эппиэт биэрдин диэн. Эппиэт бакаа кэлэ илик, биир ый ааста, арааһата сокуону кэспитин билиниэн баҕарбат дуу курдук толкуйдаатым, мин.

Сокуону араҥаччылыыр уонна ону ситэриилээх былаас уорганнара сыыһаларынан нэһилиэк баһылыгын быыбара ый аҥаара уһаан, бу дьыл кулун тутар 27 күнүгэр буолар буолла. Биһиги билигин сокуону араҥаччылыыр судаарыстыбаҕа олоробут. Ол иһин тугу саныырбытын этэр, уллэстэр бырааптаахпыт. Өскөтүн мин сыыһа суруйбут буоллахпына сокуон хараҕар эппиэттиирбин билэ-билэ бу ыстатыйаны суруйдум. Арыы уу урдугэр дагдайарын курдук, кырдьык куруутун үөһэ буоллун диэн санааттан. 

***
Аркадий Охлопков,
нэһилиэк депутата, Чаран бөһ., Уус Алдан улууһа.