Роумунг холбоно сылдьар буолан улаханнык токкоолоспотум.
Хаһан эрэ “Быыбар туһунан” диэн ыстатыйалаах этим, ол буолуо дии санаатым.
Саха сиригэр кэлэн баран, ол доҕорбун кытары төлөпүөнүнэн кэпсэтэ туран санаан ыйыттым. Ону:
- Хаһыат балаһатын аҥаара, уһуна бэрт…, - диир.
- Автора кимий? – ыйыттым.
- Эн - Хомпорууна, - диир.
Политикаттан олох туора сылдьабын диэн сананарым да... дьэ, дьикти диэтэҕиҥ.
“Туймаада” хаһыат 227 нүөмэрин, алтынньы 28 күнүгэр тахсыбыт таһаарыытын булан аахтым. Ааҕан баран улаханнык сөхтүм.
Александр ЯКОВЛЕВ, хаһыат сүрүн редактора, мин «Кистэлэҥ Күүс» (“Сакральные силы”) хаһыат сурунаал тэрийэн таһаарааччыта буоларбын, журналист да, биир да дойдулааҕым быһыытынан билэр буолуохтааххын. Син балайда суруйууларым эн хаһыаккар тахсан тураллар.
Мин, 2009 сылтан, “Хомпорууна” диэн хос ааттанан суруйабын. Атын ханнык “Хомпорууна” баарын билбэппин. “Кистэлэҥ күүс” хаһыат-сурунаал бэйэтэ ааҕааччылаах, аудиториялаах, сэҥээрэр—сэргиир дьонноох. Кинилэр мин Хомпорууна диэн аатынан суруйарбын бэркэ диэн билэллэр. Онон, ити “Туймаада”, үөһэ ахтыллыбыт нүөмэригэр, тахсыбыт ыстатыйаны аахпыттар миигин суруйбут дии санаабыттар.
...Дьэ, сахалар бэйэ-бэйэни уган, түһэн биэрэрбит хаһан тохтуура буолла.
Мин суруйууларбын ааҕар дьон, суруйар буочарбын, истиилбин билэллэр.
«Туймаада» хаһыат алтынньы 28 күнүнээҕи нүҕмэригэр бэчээттэммит «ГосДума быыбарын туһунан» ыстатыйа, кырдьык мин ыстатыйам эбит. Ол гынан баран, тиһэх абзацтара – “Куһаҕана диэн саҥа эрчимнээх эдэр дьон...» диэнтэн аллараа – МИЭНЭ буолбатах!
«Быыбыр дуу? Талыыы дуу?» диэн ыстатыйам бастакы көрүҥэ элбэх сайтка тахсыбыта. Холобур, «Аартыкка» - Среда, 15 Февраля 2012 22:44
Уххан сиригэр - 2012 с. Олунньу 14 http://uhhan.ru/news/2012-02-14-5472
Кэлин ити ыстатыйам «Ис имим этэринэн» диэн 2013сыллаахха тахсыбыт кинигэбэр эмиэ киирбитэ .
Иккис чочуйуллубут барыйаана – эмиэ былырыын Уххан сиригэр тахсыбыта, тэҥнээн көрүөххэ сөп Быыбар дуу? Талыы дуу? http://uhhan.ru/news/2014-09-03-10466
Дьиктитэ диэн бу ыстатыйабын «Туймаада» хаһыакка мин хаһан да ыыппатаҕым. Ол аата, бу тугуй?! “Сонуну киэҥник тарҕатар тэрилтэлэр туһунан” федеральнай сокуон маны хайдах ааттыан сөбүй? Мин ыстатыйабын ылан баран аллараа түөрт абзаһы бэйэлэрэ эбэн-сабан биэрбиттэрэ?!
Киһи хайдах саныан билбэт даҕаны...
Аны, хаһыат редакторыгар Яковлевка - электроннай аадырыһыгар, төлөпүөнүн нүөмэригэр хаста да сурук ыыта сатаатым - быһаар диэн көрдөһүүлээх... Харда бу күҥҥэ диэри суоҕун курдук суох.
«Алгыс» Саха сиринээҕи общественнай түмсүү социальнай ситимин группатыгар мин администраторбын. Онно ити статья эмиэ киирдэ. Дьон санаата араас буолла.
…- Хомпорууна политика тематыгар суруйар буолбут эбит дуу?..дьэ, эриэккэээээс...
- Назрело наболело...до каких пор....
- Ммм...наадата суох этэ, дьиҥэ. Зачем?Для чего? Хомпоруунаны харыстаан этэбин...
- Тоҕо? Кто, если не мы.....
- Киргэ-хоххо биккиллэрэ туох үшүөйэ кэлиэй? Аж хаһыакка тахсыбыт дии, ватсаптааҕар буолуох.
- Сөпкө этэҕин, ... Ол гынан баран, тоҕо атын Эр Боотурдар итини көтөхпөттөрүй? Тоҕо куруук Дьахтар кэннигэр саһа сытабытый? Ол баар-кыһыыта!
- Таҥара быһаарарын күүппэккэ быыбарга күүскэ турунан үлэлиэххэ наада.....
- статья Марины очень актуальна…
Оттон, бу атын киһи ыстатыйатын «уорбакка» , аатын туһаммакка тоҕо бэйэлэрэ ыстатыйа суруйбаттарый диэн ыйытыаҕы баҕарабын. Хайдах биир эйгэҕэ сылдьар дьон – журналистар коллегаларын итинник бөрүкүтэ суох балаһыанньаҕа киллэрэллэрий?! Атын киһи аатынан, буолаары буолан – дьахтар аатынан эргинэн эр дьону туох диэн ааттыахха сөбүй?
… Сөхтүм эбээт, Яковлев, сөхтүм…
Марина ПЛАТОНОВА – ХОМПОРУУНА,
«Кистэлэҥ күсс» хаһыат-сурунаал тэрийээччитэ.
Сэтинньи 15 күнэ.
Комментарии
Били Венера уламываю суруйбута буолбут, Яковлев буотах.
Биир дойдулаахтар аата, этиЬимэн!
ИилэЬин, алаадьылаах чэйдэ иЬин уонна уерэ-кете таргаЬын.
Ол-бу кыра аайы естеЬер диэн - саха интеллигенцияты гар сеп тубэспэт.
Сеп?
"Уларытан" диэни "уламываю" диэюит.
Ол аайы мин планшеттыын иирсэн турбаппын батта? )))