Тохсунньу ый быраабы харыстыыр органнарга уонна быыhааччыларга, атын ыйдары кытары холоотоххо, балачча тиритиилээх үлэлээх буолан биэрдэ. Yүммүт сылы фейерверк уота уон кустугунан сыдьaайан кэрэhэлиир. Оттон, Мииринэй оройуонугар биэс массыына умайан, 2012 сыл күлүмүн боруортулар, хаhаайыттары ороскуокка тэптилэр. Yс массыына «буотарахтарын» боруобата ьуорту буолбутуттан умайдылар, иккини соруйан умаппытар диэн күтүрэнэр.Сана дьыл бырааhынньыктарыгар хас да даача умайда. Биирдэстэригэр, хаhаайыттар суохтарынан туhанан, быралгы сылдьар дьон «биэчэрдээбиттэр». Арыгы чааныгар «уйдара-дайдара» сылдьан оhохторо сууллар туруктааҕын көрбөккө уматан иэдэйбиттэр. Уот кыыма боолдьоххо тyhэн, дьиэ сарайа умайан кyyдэпчилэннэ. Хата баhаарынайдар тута кэлэн абыраатылар. Даача умайбытыттан, эппиэтинэстэн дьаахханан, арыгылаан ортолообут сыакаардар муннук-ханнык аайы куотан сарымахтаннылар. Билигин кистээбэккэ эттэххэ, мииринэйдэр үгүс даачалара, быралгы сылдьар дьон буор-босхо түһэр-хонор көстүүнэйдэригэр кубулуйда.
Бырааhынньыктар үгэннэригэр аhааhын-сиэһин кэнниттэн сутуруктарынан оонньооччу содуомнааччылар айбардаатылар ахан. Тохсунньу ыйга, хомойуох иhин, дьахталлар хотокулар yгyстyк сынньылыннылар. Удачнайга 45-саастаах эр киһи дуома абакката таhынан диэлийэн, эдэр дьахтары «муруку эриэн гына» тунайдаата. Эчэйбит эрэйдээх, бэлиисийэ дьуhуурунай чааhыгар сайабылыанньа суруйан адаарытта.
Мииринэйгэ, күүһүн үгэнигэр сылдьар 26 саастаах эрэт, эмиэ туга эрэ батарбакка, дьахтар барахсаны аhыммакка сутуруктаата. Оттон, кыыhырбытын кыатаммакка, гр. П. 8 саастаах кыысчаанын эмиэ ибили сыста. Туох сыалтан маннык дьүүлэммитин, кырыктаах тээтэ силиэдэбэтэллэргэ кэпсии сылдьар. Киhи киhини кырбаан өлөрүөн да сөп. Ойуунускай уулуссатыгар баар дьиэ биир кыбартыыратыгар 36 саастаах В. өлүгэ көһүннэ. Манна уорбаланар гр. Т. тараччы тутулунна. Силиэстийэ бара турар.
Эмиэ биир ыарахан түбэлтэ Мииринэйтэн 70 км ыраах Светлэйгэ буолла. 54 саастаах дьахтар гр. С.ны быhахтаан суорума суоллааһыныгар уорбаланар. Бастакы үлэ нэдиэлэтигэр, Мииринэйгэ олохтоох гр.П. Иркутскайтан кэлээт да, кэмпиэт суутугар наркотиктаах тутулунна. Наркотигы утары охсуhааччылар хаhыс да сылларын Иркутскай рейсин кичэллээхтик маныыллар. Наркотиктары Бурятия наркодилердара Мииринэйгэ атыылата ыыппыттарын субу хаhыс да тутуулара. Наркотик кэлиитигэр Иркутскай диэкиттэн атын хайысха суох.
Кэлин Мииринэйгэ уоруу үксээтэ. Аны уора соруннулар да, кыбар идэлээхтэр ылардыы ылаллар. Мииринэй эдэр ыччата В. 80-ча суотабай төлөппүөнү салонтан «маастарыстыбалаахтык» уоран, Саха сиригэр «туhунан рекорд» олохтоото. Сонуннарбар бэйэм чахчыларбын уонна «Мирнинскэй» ИДЬУ пресс-сулууспата «Мииринэй оробуочайа» хаhыакка таhаарбыт чахчыларын киллэртээтим.
Станислав Алексеев,
Мииринэй куората.
Комментарии