- Дьэ, хотуой мин эколог буоллум ээ, - диэтэ. Мин соһуйбуппун көрөн, дьахтарым Саха сирин хамсатыахтаах Өлүөнэ өрүһү көмүскүүр хамсааһыҥҥа кыттыспытын, өссө Дьокуускай куоракка миитиҥҥэ барыахтааҕын ыһа-тоҕо кэпсээтэ.

Ол кимтэн, тоҕо көмүскүүбүт диэн токкоолоһооччу буолан, мөҕүлүннүм. Гаас-химия собуота тутуллан эрэр, ону утарабыт диэтэ. Сүрдээх элбэх буортулаах үһү, ол собуоппут, бу Өлүөнэ эбэбит сүнньүгэр эрэ буолбакка, кини салааларынан тарҕанан олорор саха норуота имири эстэр буолбут үһүбүт.

Аны оттон эн ол экологияҕа туох сыһыаннааххын, үөрэҕиҥ худуруук этэ буолбат дуо, диэбиппэр, букатын буорайда. Эколог буоларга туох да үөрэҕэ наадата суох диэн буолла, эн ити Аскалон уонна Самаайап этэллэрин иһит диэтэ. Саха барыта кинилэри билэр буолбат дуо диэн кимэн киирдэ. Оттон ити дьонуҥ эколог буолбатахтар ээ диэбиппэр, хата Аскалонуҥ биллэр ырыаһыт дии, оттон Самаайап куруук былааһы кытта сөпсөспөт, бэйэтэ билэр бэлиитик диэн чаҕылытта.

Дьэ, онно эрэ мин өй булан ыйыттым: “Оттон эн уолуҥ, Сэмэнчигиҥ Туомускайга химик үөрэҕэр үөрэнэр этэ буолбат дуо? То5о оччо5о ол үлүгэр киһи өйүгэр баппат буортулаах идэҕэ, күһүн аайы сүөһүгүн идэһэлэнэн туран, үөрэттэрэҕин?». 
***
Ыстаппаан КЫЫЧЫКЫН.