Бу тэрээһиҥҥэ нэһилиэк баһылыга Наталья ПЕТРОВА куоракка олорор, үлэлиир-хамсыыр ытыктанар дьоҥҥо Бордоҥ нэһилиэгин бочуоттаах гражданинын аатын иҥэрэр туоһу суруктары уонна бэлиэлэри туттарда. Ол курдук наҕараадаҕа тигистилэр:
Андреев Константин Николаевич,
Данилов Эдуард Федорович,
Тыасытов Александр Афанасьевич,
Федорова Мария Михайловна,
Прокопьев Валерий Николаевич,
Лыткин Николай Николаевич,
Васильев Карл Иннокентьевич,
Иннокентьев Николай Николаевич,
Андреев Владимир Ильич,
Иванов Виктор Григорьевич,
Афанасьев Дмитрий Егорович, о.д.а.
.
Нэһилиэк олохтоохторо тэрийбит бэрт сэргэх, сүргэни көтөҕөр ырыа-тойук, оһуокай, үҥкүү-битии кэнсиэрин көрдөрөн, төрөөбүт нэһилиэкпит ситиһиилэрин көрөн астынныбыт, кэпсээннэрин истэн дуоһуйдубут, минньигэс сахалыы ас арааһын амсайан сүрэхтиин-быардыын сылаанньыйдыбыт.
Улуус мунньаҕын дьокутааттарын салайааччыта Сергей Евсеев, Ил Түмэн дьокутаата Владимир Прокопьев, республика кырдьаҕастарын сүбэтин сэкиритээрэ, Ньурба дьоһун дьонун, дойдуну, республиканы салайсыыга диэри үүнэн тахсыбыт үтүөкээннээх салайааччылар тустарынан элбэх кинигэни суруйбут өҥөлөөх Эдуард Данилов, элбэх ыччаты үөрэппит, ииппит ДьГТХА-тын профессора Дмитрий Афанасьев, өр сылларга Маалыкайдааҕы балыыһаны салайан илдьэ сылдьар кылаабынай быраас, общественник-эколог Николай Николаве, онтон да атын үтүө-мааны дьоммут бу киэһэ тыл этэн эҕэрдэ, сүбэ-соргу буоллулар.
Маннык үтүө тэрээһини тэрийбит биир дойдулаахтарбытыгар махтанабыт уонна "Сайсары" ырыынакка аатырбыт мэҥэдьэк сылгытын этин, хартатын, хаанын, уос номоҕор киирбит Сугдьаар күөл бөдөҥ, үрүмэ хоргуннаах миннээх, минньигэс эмис соботун, үрүҥ ас арааһын атыы дьаарбаҥкатыгар куорат олохтоохторун ыҥырабыт!
Көрсүһүү дьоро киэһэтин түгэннэриттэн:
Комментарии