"Пуси райт" бөлөх кыргыттара Православнай таҥара дьиэтигэр киирэн сыгынньах үҥкүүлээбиттэригэр, итэҕэли, итэҕэйэр дьон дьоһуннарын тэбистилэр диэн тутуллан сууттаммыттара. Аан дойду үрдүнэн, ордук америкалар "Россияҕа киһи быраабын күөмчүлээтилэр" диэн акция бөҕөтө тэрийэн, ол кыргыттары дойду-дойду аайы айхаллаабыттара. Экспертэр суруйалларынан, бастаан элбэх "тутулуга суох" СМИ кыргыттары "харыһыйан" суруйуу бөҕөтүн суруйбуттара. Онтон ээр-сэмээр сакаасчыт харчыта бүппүтүн кэннэ "пуси райтары" суруйуу тохтуур.
Ити идеология сэриитин уочараттаах түһүмэҕин кэнниттэн, хата Вл.ПУТИН оскуолаҕа итэҕэли (сүрүннээн - православиены) үөрэтэри, итэҕэл историятын билиһиннэрэр предмети киллэттэрэр. Онон православие судаарыстыбаннай таһымҥа тахсар.  Судаарыстыба интэриэһигэр ити саамай сөптөөх дьаһаныы. Украинаны "сүүс таҥара" туохха тиэрдибитин көрөбүт. Норуоту ыһыаххын баҕардаххына, сүүс таҥарата ай диэн мээнэҕэ эппэттэр.  Украинаҕа сүүс таҥараны айан - кыраныысса таһыттан үбүлэнэр (сүнньүнэн Америкаттан) араас секталары киллэрэллэр, бу секталар майдаҥҥа оруолларын туһунан элбэхтик суруйаллар. 
***
Инньэ гынан, БЕРЕЗКИН ылгын уола Саня ЗАХАРОВ бөрүкүтэ суох быһыытын туһунан сурах кырдьык дуу, сымыйа дуу? БЕРЕЗКИН штабын үлэһитэ этэринэн "провокация". Ол гынан баран бу уол эрдэ андаатараны кытары "фотосессиялаабытын" туһунан тыл кыбытан аһарда. ГП лидерэ Афанасий МАКСИМОВ эмиэ мэлдьэстэ. Оттон БЕРЕЗКИН тугу да хардарара суох. 
Атын, кинилэргэ сыһыана суох быыбардьыт: "Пуси Райт" кыргыттарын тутан хаайбыттарыгар айдаан таһаарбыттара дии, кинилэр эмиэ оннук гынаары былааннаабыттара буолуо Захаровтара тутулуннаҕына айдаан таһаара охсоору. Партияларын кимнээх салайалларын көр ээ, "быраап" дии-дии көөчүктүүр омуктар буолбатахтар дуо? Саха киһитин өйүгэр баппат быһыыланыы. Бары маргиналлар мустубуттара туох аанньа буолуой", - диэн БЕРЕЗКИН штабын хомуруйар.
Оттон ДП үлэһиттэриттэн туох буолла диэн ыйыттахха, санныларын ыгдаҥнаталлар. Быһылаан кырдьык тахсыбыт буоллаҕына, харабыл үөһэ харабыллаах, видеолаах дьиэ хайдах эмэ да буоллар устубут, түһэрбит буолуохтаах этэ. Онон, сымыйа ини,  итинник тахсыбатар ханнык, аһара сүрдээх. 
***
Аартык.ру