Мантан сылтаан араас санаалар үөскээн тахсаллар. Бастатан туран быраабы харыстыыр, силиэстийэлиир уорганнарбыт таах хамнас ыла олороллор эбит. Ол иһин, дьыала саарбах буолан, Үрдүкү суут быһаарыыта көтүллэр буоллаҕа. Эбэтэр атын туох эрэ баар дуу? Чэ, мин ити дьыалаҕа аһара иҥэн-тоҥон тохтоомуум, син сөпкө силиэстийэлииллэр ини, алҕастарын-сыыһаларын көннөрөн да туран.
Миигин бу Гаврил Васильев позицията интэриэһиргэтэр. “Кириэһилэбэр олоробун да, сабаас”, – диир. Онтуката сатаннаҕына судаарыстыбаттан өссө саат куттаран ылара буолуо, били Еремеев курдук. Ол аайы биһиги, нолуогу төлөөччүлэр, харчыбытыттан төлөнөр. Сыыһа силиэстийэлээччилэр бэйэлэрин хармааннарыттан төлүүллэрэ буолуо дии саныыгыт дуо? Суох, биэнсийэлээхтэр, учууталлар онтон да атыттар – барыбыт нолуокпутуттан төлөнөр.
Ол эрээри тус бэйэм быраабы харыстыыр уорганнар мээнэҕэ дьыала тэрийбэтэхтэрэ буолуо дии саныыбын. Тыала суохха мас хамсаабат. Уонна ити Васильев үлэһитэ Иванов диэн киһи бэйэтинэн бэрик ылбытын кэпсии, билинэ сылдьар. Васильев кыттыгаһа да суоҕун иһин (онуоха олус саарбахтыыбын), итинник үлэһиттэрдээҕин эрэ иһин астаапкаҕа барыахтаах этэ. Буолаары буолан баҕа өттүнэн.
Манан сылтаан баартыйалар оруоллара тахсан кэлэр. Васильев – Сиэрдээх Арассыыйа чилиэнэ, Сөдүөт Тумууһап “эрэллээх саллаата”. Дьэ бу хоруупсуйаҕа күтүрэммит киһини баартыйата өлө-тиллэ көмүскэһэрэ төһө сөп эбитэ буолла? Госдума депутата Тумууһап суукка хаста да хаайымаҥ диэн сурук суруйбутун туһунан “Якутск вечерний” хаһыакка аахтыбыт.
Васильев ити курдук үөһэттэн өйөбүллээх буолан, төһө да коррупцияҕа күтүрэнэ сырыттар, дуоһунаһыгар төттөрү киирэргэ сананар. Атын киһи эбитэ буоллар кыбыстан (үлэһитин да туһуттан), дуоһунаһыттан баҕа өттүнэн аккаастаныа этэ. Өйөбүл диэбиккэ дылы, Васильевы Ньурба улууһун баһылыга эмиэ “өлө-тиллэ” өйүүр дииллэр. Эмиэ да сөп, биир “сиэрдээхтэр” буоллаҕа. Ньурба улууһун бары быыбардааччылара сүүс бырыһыан өйөөн бу дьон салалтаҕа тахсыбыттара диир уустук. Ол быыбардарга кыраттан кыра бырыһыана кыттыбыта биллэр.
Баартыйалараы ахтар буоллахха, били “Туймаада” хаһыаттан үөҕүллэр единэйдэрбит “сиэрдээхтэрдээҕэр” быдан сиэрдээх дьон буолан тахсаллар эбит. Ол курдук албыҥҥа, хоруупсуйаҕа күтүрэммит дьоннорун бэйэлэрин ортолоруттан ылан быраҕан иһэллэр. Кыралаан кистээһин, саба сатааһын баара буолуо да, бу “сиэрдээхтэр” курдук аһаҕастык саба сатаабыттарын тус бэйэм өйдөөбөппүн.
***
И. ЕГОРОВ,
тыыл бэтэрээнэ.
“Туймаада” хаһыат
191-с №-рэ, 20.02.2014 с.
Комментарии
Хас да киЬи аргылаан-сымыйа лаан, диплом уоран туЬанан, уурулуннэ.
Олор Единэйдэр дии.
Олортон саатан-кыбыстан , Единэйдэр тойонноро того астаапкага барбатылар?
Того республика салалтата уурайан хаалбата?
Бастаан Единэйдэр холобур кердердуннэр.
Оттон дьэ сарылаатыннар буо.
Бу хомуньуус огонньор суруйбута буолуо?
Оччого Артур Алексеев сахалар националистар, нууччалары кыдыйаллар, уурэллэр диэн орулаабытыгар того сырайа кытарбат, партия салалтата уурайарын модьуйбат?
Ол оннугар конкуреннаЬар партияны саахтыырын эрэ ордорор?
Дьэ?