Ол да буоллар, билигин да ааспыт үйэ идеологиятын сүгэр ааттаах уулуссалар - Орджоникидзе, Дзержинскай, Ленин, Каландарашвили, Петр Алексеев, Крупская, историяҕа хааннаах суолу хаалларбыт Поярков ааттара Дьокуускай куорат картатыттан симэлийбэттэр. Хас биирдии уулусса аатын уларытыы - харчыны кытары сибээстээх, онон ыарахаттардаах диэн чиновниктар сапсыйан кэбиүэллэр.
***
Дьокуускай дьаһалтата саҥа тутуллар, үөскүүр уулуссаларга аат толкуйдуурга күрэхтэһии биллэрдэ. Бу уулуссалар ханна бааллар эбит диэн ыйытар эбит буоллаххытына - Сэргэлээххэ, Хатыҥ Үрэххэ уонна Покровскайдыыр аартыкка.
Этиигитин сэтинньи 29-гар диэри 42-99-26 төлөпүөнүнэн эрийэн киллэриэххитин сөп, эбэтэр иллэҥ буоллаххытына Октябрьскай уулусса 20/1 дьиэтигэр, 201 хоско киирэ сылдьыаххытын сөп.
Бу сырыыга дьон аатынан буолбакка эрэ, саҥа түөлбэҕэ сыһыаннаах, сахалыы сайаҕас тылынан уулуссалар ааттаналлара буоллар бэрт этэ.
***
Аартык.ру
Комментарии