Киһиэхэ кыра да наада диэн ону этэн эрдэхтэрэ… Түргэн тэтимнээх олоххо, үлэ үлүскэнигэр биирдэ эмит чуумпура түһэн, санаан көрүҥ эрэ, биһиккитин ыйаабыт, күн сирин көрбүт төрөөбүт дьиэҕитигэр дьоҥҥутун көрсө хаһан бара сылдьыбыккытый? Ийэҕит доруобуйатын хаһан сураспыккытый? Бырааһынньыкка эрэ буолбакка, кырдьаҕастарга өрүү болҕомтолоох дьону айыы киһитэ аһыныгас, күн киһитэ көмүскэс дииллэр.
«Бичик» кинигэ кыһата кырдьаҕастар күннэрин көрсө «Олоххут көмүс күһүнүн интэриэһинэй кинигэ киэргэттин» диэн 3 күн алтынньы 1-3 күннэригэр бары пенсионердарга 20% чэпчэтии оҥорор. Маннык чэпчэтиинэн туһанарга пенсионнай удастабырыанньаҕытын көрдөрүөххүтүн наада. Дьиэҕэ олорор киһиэхэ күн-дьыл кутуйах хаамыытынан барар, тугу да гыммакка олорор салгымтыалаах соҕус. Оттон интэриэһинэй кинигэни булан аахтахха, күнүһү-түүнү билбэккэ ылларан олорон, дьон дьылҕатын туһугар умсугуйан, бэйэҥ да кыһалҕаҕын төрүт умнан, бүүс бүтүннүү кинигэ иһигэр киирэн хаалбыт курдук буолаҕын. «Бичик» маҕаһыыннарыгар нэдиэлэ аайы саҥаттан саҥа сонун кинигэлэр киирэллэр, манна таптал абылаҥын, аныгы олох үөрүүтүн-хомолтотун сырдатар кэпсээннэр-сэһэннэр, иис-уус, булт, былыргы үһүйээннэр туһунан кинигэ үгүс.
Онон, «Бичик» кыһа эрэллээх ааҕааччыларын чуҥкуппат туһугар саҥаттан саҥа, сонун, сэргэх кинигэлэри таһаарар, эһигини өрүү үөрдэргэ дьулуһар!
***
Марианна Тыртыкова.