Олег ТАРАСОВ "ньыгыллар" фракцияларыгар киирбэтэ
Четверг, 03 Октября 2013 06:15
"Якутскэнерго" генеральнай дириэктэрэ Олег ТАРАСОВ быһааскы праймеризкэ кыайтаран баран күһүҥҥү быыбарга Мухтуйаҕа (Ленскэй) биир мандаттаах уокурукка партията суох бэйэтэ кыттыбыта уонна Ил Түмэн депутатынан талыллыбыта. "Генерал" дьиҥинэн : "ньыгыл", ол эрээри бу сырыыга "ньыгыллар" фракцияларыгар киирэртэн аккаастаммыт.
"Эсердэр" фракцияларыгар киирэртэн бизнесмен Владимир ФЕДОРОВ эмиэ аккаастаммыт. Онон фракция салайааччытынан Юрий ГРИГОРЬЕВ (урукку "Агротэкс" гендириэктрэ) талыллыбыт.
Санатар эбит буоллахха, быыбарга Владимир ФЕДОРОВ "СР" муниципальнай испииһэгин баһылаабыта. Ил Түмэҥҥэ Сайсарыттан иккис болдьоҕун депутатынан талылынна.
***
Аартык.ру
Комментарии