Киһи барыта урусхаллааччылар" ханный кандидат дьоно" буоларын таайа сатыыр үлүгэргэ түспүттэрэ. Элбэх соҕус киһи Амма улууһун икки болдьох салайбыт Александр АРТЕМЬЕВ утарылаһааччыта Дмитрий ЛЕВИН быһылаах диэн "саныы охсубута". Өскөтүн бу быһылааны быыбары кытары ситимниир буоллахха - хара пиар дьыалата. Омос көрдөххө, кырдьык үлэлии олорор баһылыгы утары тэрээһин буолуон сөбө. "Ол гынан баран дьон санаатын иирдэр дөбөҥ. Баҕар баһылык бэйэтэ эбэтэр кини техническэй спойлердара ЛЕВИНЫ түһэрэ сатаан оннук дьыаланы бэйэлэрэ тэрийиэхтэрин эмиэ сөп", - диэн быыбары кэтээн көрбүт Амма олохтооҕо санаатын этэр. Кинини "куттаҕас" гастарбайтердар полицияны тута ыҥыра охсубатахтара, ол айылаах тыаһы-ууһу харабыл "истибэтэҕэ" мунаардар. "Эрдэ кэпсэтиллибит буолуон сөп" диэн кини сабаҕалыыр.
Оҕо искусствотын дьиэтэ түүн урусхалламмытын кэннэ, олохтоох былаастар ирдэһиэх, буруйдааҕы булуох буолан эрэннэрэллэр, айдаан бөҕө таһаараллар даҕаны, субу күҥҥэ диэри ылы-чып.
Ол да буоллар, балаҕан ыйын 21 күнүгэр, айдааннаах оскуола хаттаан оҥоһуллан аһылынна.
***
Аартык.ру
Аммаҕа быыбарга "саахалламмыт" музыка оскуолата аһылынна
Четверг, 26 Сентября 2013 09:18
Быыбар иннинэ аҕай түүн Амма сэлиэнньэтигэр саҥа тутулла турар Оҕо искусствотын дьиэтин бастакы этээһэ сыаналаах мала-тэрилтэ бүтүннүү урусхалламмытын туһунан сонун тарҕаммыта. Онно үлэлии сылдьар гастарбайтердар кэпсээбиттэринэн, түүн үөһээ кимнээх эрэ киирэн бастакы этээһи барытын үнтү сынньыбыттар диэн буолбута. Бу дьон тыаһы-ууһу истэ сытан "куттанан" тахсыбатахтар, кимнээҕин көрбөтөхтөр.
Комментарии