Гаас турбатыгар инертнэй гаас мунньуллубутун ыраастаары Дьокуускай куорат гааһа суох олорор. Быыбар чугаһыгар астанар, ититтинэр кыаҕа суох дьону "политическай элеменнэр" бэйэлэрин интэриэстэригэр сөрүү тартылар.
Бүгүн СР вице-премьерэ А.СТРУЧКОВ  Пригороднайга, Аппа уҥуоргу түөлбэлэргэ гаас киирдэ диэн суруналыыстарга эттэ. 202 кыбаарталга аҥаара гаастанна диир. Сорох дьон гаас үлэһиттэрин квартираларыгар киллэрбэтэхтэр,  онон күөх төлөнтөн бэйэлэрин буруйдарыттан маппыттар. Ол аата хас биирдии дьиэни гаас үлэһиттэрэ кэрийиэхтээхтэр диэн буолбатах. Гаас бэриллэр кэмигэр туох баар прибор араарыллыахтаах эбит, ким эмэ саппатах буоллаҕына газовиктар квартираҕа бэйэлэрэ киирэн көрүөхтээхтэр-истиэхтээхтэр, ону сорохтор киллэрбэттэр эбит.
***
СТРУЧКОВ суоттуурунан бу нэдиэлэ бүтэһигэр гаас куоракка барытыгар кэлиэхтээх. Сараччы тоҥмут дьон быыбардыы барбатахпытына да көҥүл. Онон өрөбүл иннинэ үөрдэ-көтүтэ холбууллара буоллар салҕаныах этибит.
***
Дьокуускайга гааһынан туһанар ыал ахсаана - 51285.
Тоҕо туохтан маннык саахал тахсыбытын специалистар быһаара сылдьаллар диэн зампред этэр. 
***
Аартык.ру