Ол курдук, Дьокуускайдааҕы 2 №-дээх балыыһа эмчиттэрэ итинник үтүө холобур баарын истэн кыттарга сөбүлэһэн, ааспыт нэдиэлэ бүтэһигэр бары күргүөмүнэн  тахсан, Щорс күөлүн тулатыгар сытар бөҕү-сыыһы ыраастаатылар.  Коллектив салайааччыта, балыыһа кылаабынай бырааһа Николай Васильев: «Биһиги Дьокуускай куорат киин уокуругун салайааччыта Петр Кушкирины кытта сүбэлэһэн баран, ити күөл кытыытын ыраастыырга санаммыппыт.  Субуотунньукка 50 эмчит кытынна, кинилэр истэригэр  практиканнар эмиэ бааллар. Биир өттүнэн бу сири ылбыппыт биһиэхэ эмиэ үчүгэй, балыыһабыт атта буоллаҕа. 30-ча куул бөҕү-сыыһы чөмөхтөөбүппүтүн киин уокуруктар бэйэлэрэ сыбаалкаҕа таһаардылар. Олус элбэх өстүөкүлэ уонна пластмасс бытыылкалары, иһиттэри хомуйдубут», – диэн бэйэтин санаатын үллэһиннэ.
Кэлиҥҥи кэмҥэ маннык хабааннаах субуотунньуктар куоракка  тэриллэллэрэ үтүө үгэскэ кубулуйан эрэрэ махталлаах дьыала. Онуоха нэһилиэнньэ ис сүрэҕиттэн көхтөөхтүк кыттара эрэйиллэр диэн Александр ТАРАСОВ мэрия пресс-сулууспатыттан биллэрэр.
***
Сылын аайы да быыбар буолбат - төһөлөөх "тус холобур" көстүөх этэй?!
***
Аартык.ру