Түмсүү баһылыга Александр Джурович Данилов быйылгы ыһыахха эмиэ биир дьикти саҥа тэрээһини оҥорбута сүрдээх сэҥээрилээх дьыала буолла.

Улуу Туймаада үрдүнэн сахалыы намыын оһуохай быһыыгар быйыл соһуччу кытайдыы, английскайдыы уонна нуччалыы оһуохай тылын холонон эттиллэр. Ити Кытайга олорор саха кыыһа Мира Ушканова кыһаллан, тылбаастаан биһиги Ытык Оһуохайбытын араас омук тылынан өйдөнөр гыммыта, улахан кэрэхсэбиллээх.

«Араас дойдуга олохсуйбут саха ыччата бэйэтин төрдүгэр таттарара, билэ-көрө сатыыра, бэйэлэрин культураларын тарҕатталлара олус бэрт. Итини өйүөххэ эрэ наада, ол иһин бэйэбит кыахпытанан ити Мираны ыҥыран бу Ыһыахха дьоҥҥо билиһиннэрдибит – диир Александр Джурович, - онтон атырдьах ыйын 22 күнүгэр Кытайга, Далянь куорат Синхай диэн болуоссатыгар сүүнэ улахан Эйэ Оһуохайын бу Мира Ушканова көҕүлээһининэн тэрийиэхпит. Биһиги бастыҥ этээччилэрбит онно кыттыахтара».

Ити курдук «Оһуохай Түмсүү» биир саҥа тэрээһинин дьоҥҥо билиһиннэрдэ, уонна түмүгэр Мира Ушкановаҕа Саха Оһуохайын Соҕуруу-Илин Азияҕа посолын аатын иҥэрэн, туоһу суругун туттарда.

 

Биһиги Ытык Оһуохайбыт Аан Дойду үрдүнэн тилийэ сүүрэн эрэрэ, ыраах сыаллаах хамсааһын дии саныыбыт. «Оһуохай Түмсүү» Дархан этээччилэрдээх, чулуу, бэриниилээх дьоннордоох  буолан, бу былыргыттан аныгыга диэри чөл тиийэн кэллэ, уонна кэлэр үйэҕэ саҥалыы тыыннаах киирэн эрэр.     

Өссө элбэҕи истиэхпит турдаҕа – Түмсүү былаана элбэх!