Оҕуруотчукка туһалаах сүбэ, сахалыы таҥаһы хайдах тигэр, дьиэ кэргэҥҥитин минньигэс аһынан күндүлүүр ас ырысыаба, дьон дьылҕатын, таптал истиҥ иэйиитин туһунан кинигэ, оҕолорго аналлаах дьэрэкээн ойуулаах остуоруйа, Сахабыт сирин улуустарын үбүлүөйдээх фотоальбомнара, былыргы быраҕыллыбыт, өтөхсүйбүт дьиэлэр абааһылаах үһүйээннэрэ, булчут сэһэннэрэ былдьаһыгынан атыыга бараллар.
Нэһилиэнньэни төрөөбүт тылынан тахсар кинигэнэн толору хааччыйар туһугар Ньурбаҕа, Сунтаарга, Ытык-Күөлгэ, Аллара Бэстээххэ «Бичик» маҕаһыыннара аһыллан, таһаарыылаахтык үлэлии тураллар. Бу соторутааҕыта, Оҕо көмүскэлин күнүгэр бэһис маҕаһыын Майаҕа атыылаһааччыларга аанын тэлэччи арыйда. Сарсыарда эрдэ дьон-сэргэ көхтөөхтүк тоҕуоруһан, маҕаһыын иһэ түргэнник туолан, кымырдаҕас уйатын курдук үп үллэҥнэс буола түстэ. Саҥа кинигэлэри дьон сэргээн, сорохтор көтөҕүнэн атыыластылар. Манна маҕаһыын аһыллыытыгар кэлбит хас биирдии оҕо кинигэ уонна минньигэс ас бэлэх тутан, улахан да дьон бэлэхтэн соччо маппакка бары үөрэн-көтөн, сүргэлэрэ көтөҕүллэн, дьиэлэригэр тарҕастылар.
Атын улуус олохтоохторо дьиэҕититтэн ыраах сиргэ тэлэһийбэккэ, «Бичик» таһаарар кинигэтин барытын интернет-маҕаһыын нөҥүө сайтка киирэн сакаастыаххытын сөп http://bichik.ru/shop/index.php. Интернеккэ bichik.ru сайтка киирэн, кыһа сонуннарын, эһиэхэ анаан ыытар араас чэпчэтиилэрбит уонна акцияларбыт туһунан бастакынан билэ-көрө олоруоххут.
Бочуоттаах сынньалаҥҥа олорор, эбэтэр эбии дохуот киллэриниэн баҕалаах тыа сирин олохтоохторо «Бичиги» кытта дуогабар түһэрсэн, кинигэни кууһунан атыылаһан ылан, дойдугутугар, хайа баҕарар улууска атыылыаххытын сөп. Кууһунан атыы киинин төлөпүөнэ: 42-98-80, 42-98-79.
Көмүһү сиртэн хостууллар, оттон билиини кинигэттэн сомсоллорун умнумаҥ! Кинигэ көмөтүнэн дьон иистэнэ, оҕуруот аһын олордо, минньигэстик астыы үөрэнэллэр, оннооҕор массыына ыытарга суол быраабылатын эмиэ кинигэнэн үөрэтэллэр.
***
Марианна Тыртыкова