Джурович 1961 сыллаахха Булуҥ улууһун Күһүрүгэр төрөөбүтэ. Оскуоланы Тааттаҕа, Ытык Күөлгэ бүтэрбитэ. Одесса, Санкт-Петербург култуураҕа, театрга сыһыаннаах үөрэхтэрин бүтэрбитэ. Көхтөөх общественник. 
Ярославскай 11№-дээх уокуругуттан куорат Думатыгар депутат.  Быйыл күһүн "ньыгыллар" испииһэктэринэн эмиэ бу уокуруктан кыттар санаалаах.
- Төрөөбүт күммүн сэмэйдик дьиэ кэргэним иһинэн ылабын уонна "Оһуохай" түмсүүгэ кыратык бэлиэтиэхпит.
- Тугу бэлэхтээтилэр, эбэтэр өссө эрдэ дуу?
- Кэнэҕэс Саха оһуохайын дьиэтэ кэрэ көстүүтүнэн, ис хоһооно дириҥинэн аан дойдуга аатырдын диэн туран, "100 великих храмов мира" диэн кинигэни бэлэхтээтилэр. Уонна оттон... күн устата өссө күүтэбин, - күлэр.
***
Аартык.ру аатыттан Александр Джуровичка эмиэ истиҥ эҕэрдэ буоллун, маннык дьон бааллара олохпутун сэргэхситэр диэҕи баҕарыллар. Айымньылаах үлэни, саха оһуохайын дуораана аан дойдуга иһилиннин!
***
Аартык.ру