Күрэхтэһии аһыллар сиэригэр-туомугар республика салалтата, олимпийскай чемпионнар  кытыннылар. Президент Егор БОРИСОВ тыл эттэ. Россияттан олимпиада икки төгүллээх чемпиона Сергей Белоглазов, олимпиада призера, аан дойду түөрт төгүллээх чемпиона Сергей Корнилаев кэлбиттэр. Ону таһынан Таджикистан көҥүл тустууга уонна греко-римскэй тустууга федерациятын президенэ Саламшо Мухаббатов ыалдьыттаата.
Турнирга барыта 175 бөҕөс 14 хамаандаттан кытынна.  Арменияттан, Белоруссияттан, Казахстантан, Кыргызстантан, Молдавияттан, Монголияттан, Таджикистантан, Турцияттан уонна Украинаттантиийэ кэлитэлээбиттэр.
Президент Егор БОРИСОВ "Роман Дмитриев, Павел Пинигин, Александр Иванов курдук аатырбыт бөҕөстөр баар буолланнар Саха сиригэр көҥүл тустуу спорт 1-кы №-дээх көрүҥүнэн ааттанар" диэтэ. Олипиада күрэхтэһиититтэн тустуу сүппэтигэр эрэннэ.
Сергей Белоглазов "Роман Дмитриев, Павел Пинигин, Александр Иванов – саха тустуутун мэҥэ ааттара буолаллар" диэтэ, маннык турнирдар тустуу сайдарыгар олус наадалаахтарын бэлиэтээтэ.
***
Аатырбыт бөҕөскө анаан "Бичик" кинигэ кыһата  «Наука побеждать» диэн кинигэни бэчээттээн таһаарда. Бу тупсаҕай оҥоһуулаах, сэргэх кэпсээннээх кинигэ саха норуотугар, тустууну сүгүрүйээччилэргэ күндү бэлэх буолуоҕар саарбахтаабаппыт. Кинигэни турнирга  Роман ДМИТРИЕВ кэргэнэ  Антонина Дмитриева уонна  кыыһа Анна билиһиннэрдилэр.
Манан диэн эттэххэ, Антонина Софроновна поэт, "Чолбон" сурунаал урукку сүрүн  редактора Софрон ОСИПОВ бииргэ төрөөбүт балта.
***
Аартык.ру