Коллективка саамай үчүгэй сынньалаҥ - спорт. Ол иһин үлэ коллективтара бэйэ икки ардыгар куоталаһыыны тэрийэллэр. 
Саха сиригэр  Нефтегазстройпрофсоюз спартакиадата XV-с төгүлүн ыытыллар. Бүгүн, кулун тутар 13 күнүгэр,  нефтяниктар уонна газовиктар харбааһыҥҥа уонна дьоҕус футболга күрэхтэспиттэрин түмүгэ таҕыста.  Уопсай түмүгүнэн  «Сахатранснефтегаз» ААО хамаандалара бастаан иһэллэр.

Дьоҕус футболга 15 голлаах Магистральнай газопровод линейнэй-производственнай управлениетын хамаандата иһэр.  Иккис миэстэҕэ 9 мээчиги воротаҕа булларбыт Гаас тарҕатар ситим управлениетын хамаандата, үһүскэ «Саханефтегазсбыт» хамаандата таҕыста.
Харбааһыҥҥа "Саханефтегазсбыт" хамаандата бастакы, иккискэ «ЯТЭК» ААО хамаандата, үһүскэ «Сахатранснефтегаз» ААО МГЛПУ хамаандата тигистилэр.
Бу кэнниттэн хайыһар, волейбол, остуол тенниһэ, дуобат, саахымат, бильярд, сыал ытыы уонна многоборье күрэхтэһиитэ тэриллиэхтээх. 
Ону сэргэ   «Аҕам, ийэм уонна мин - иллээх ыал» диэн дьиэ кэргэн куоталаһыыта буолуоҕа.
Спартакиада тиһэх түһүмэҕэ сайын бэс ыйыгар Үс Хатыҥҥа түһүлгэлэниэҕэ.
***
Аартык.ру