- Биһиги сүрүн сыалбыт-сорукпут ыччаты чөл олоххо иитии, спорка уһуйуу буолар, - диэн Тургун (Игорь) этэр.
Бээһээ,  "урааҥхайдар"  бэйэлэрин харчыларыгар "ыччат өйүн-санаатын уһугуннарар" реклама туруорбуттарын устан кэбиспиттэригэр Арчы дьиэтигэр муста сырыттылар.
Бу плакаттар Дьокуускайга "Кыайыы 50 сыла" спорт комплексын иннигэр (Аскалон хаартыската), Петр Алексеев аатынан уулуссаҕа - Сибээс техникумун иннигэр турбуттара. Дуогабар быһыытынан, бу плакаттар кулун тутар 3 күнүгэр диэри туруохтаахтара үһү. Ону ол диэбэккэ ким эрэ күһэйэн плакаттары устубуттар.
Тургун ПОПОВ "халлаан сылыйыыта бэйэбит да устуох этибит, кэтэһиннэрэ сатаатыбыт да истибэтилэр, тымныыга тоҥон турар пленка тоһута барар буоллаҕа" диир.
Мустубут дьон атыны сакаастаан, атын сиргэ  туруоруохха диэн этии киллэрэ сырыттылар.
"Ураанхайдар" плакаттарын оннугар билигин "Азия оҕолоро" билборд ыйаммыт диэн кэпсээтилэр.
Тургун ПОПОВ бэйэтэ урут "олоро сылдьыбыт" киһи, ыччат туора суолга турумматыгар кыһаллан "Ураанхайы" тэрийбитим диэн этэр.
***
Ыччат бүдүрүйбэккэ, чөл олоҕу тутуһан үүнэригэр-сайдарыгар кыһаллар дьон бааллара үчүгэй.
Ол гынан баран, ханнык сиргэ, кэмҥэ олорорбут эмиэ учуоттаныахтаах.
"Урааҥхайдарга" үлэлэригэр көмө-тирэх буолар, сүбэһит-амаһыт, баар быһыыга-майгыга тылтан, дьыалаттан хаптарбат курдук такайар дьон ирдэнэллэрэ буолуо.
***
Аартык.ру