Аны күһүн, балаҕан ыйын 8-гар, хас быыбар буоларый?
Понедельник, 21 Января 2013 13:25
Балаҕан ыйын 8-гар диэри "бэрт бэһиэлэй" кэмнэр-дьыллар үүнүөхтэрэ. Ил Түмэн уонна Дьокуускайдааҕы куорат Думатын депутаттарын талар быыбары сэргэ, республика сорох улуустарыгар, нэһилиэктэригэр, бэрэстэбиитэллээх уоргаттарга баһылыктары, депутаттары талыахпыт.
27 баһылык талылларыттан 19-а улуус баһылыктара. Ол - Абыйга, Алдаҥҥа, Аммаҕа, Анаабырга, Үөһээ Халымаҕа, Горнайга, Кэбээйигэ, Ленскэйгэ, Мииринэйгэ, Муомаҕа, Намҥа, Өлүөхүмэҕэ, Өлөөҥҥө, Тааттаҕа, Уус Алдаҥҥа, Уус Майаҕа, Усуйаанаҕа, Чурапчыга, Эбээн-Бытантайга.
Биир мандааттаах уокуруктартан Ил Түмэҥҥэ турар кандидаттар, улуус баһылыга талыллар сирдэригэр, баһылыкка кандидаты кытары - тандемнаһан быыбар иннинээҕи хампаанньаларын ыыталлара сэрэйиллэр.
***
Aartyk.Ru