1997 сыллаахтан бу дуоһунаска үлэлээбит киһи, икки ыҥырыылаах мунньахха Ил Түмэн депутата, "Биир ньыгыл Арассыыйа" бэриниилээх чилиэнэ Андрей ИЛЛАРИОНОВ тоҕо, туохтан ууратыллыбытын бэчээккэ аһаҕастык этэртэн туттуннар. Тылын тамаҕыттан сылыктаатахха, улаханнык хомойбут-абарбыт.  Киин куорат аэропорда аан дойду таһымнаах, улахан уйуктаах  сөмөлүөттэри  түһэрэр улахан аэропортка кубулуйарыгар салайааччы уонна депутат быһыытынан ИЛЛАРИОНОВ оруолун мэлдьэһэр кыаллыбат.   
Санатар эбит буоллахха, кини оннугар Егор БОРИСОВ такайбыт уола, көмөлөһөөччүтүнэн илдьэ сылдьыбыт киһитэ Николай МЕСТНИКОВ анаммыта.
Андрей Аркадьевич, "Якутия" авиахампаанньаҕа генеральнай дириэктэр солбуйааччытын дуоһунаһыгар үлэлии баран эрэрин бэйэтэ бигэргэттэ.
***
"Aartyk.Ru"