Андрей ИЛЛАРИОНОВ бу дуоһунаска 1997 сыллаахтан олорбута. ИЛЛАРИОНОВ, ону таһынан 3-с, 4-с Ил Түмэн ыҥырыылаах мунньаҕар, Дьокуускай куорат Гагаринскай уокуругуттан, депутат. "Биир ньыгыл Арассыыйа" фракциятын чилиэнэ. Парламент Хонтуруоллуур кэмитиэтин чилиэнэ.

Кини оннугар аэропорду, аны, Саха республикатын президенин көмөлөһөөччүтүнэн үлэлээбит Николай МЕСТНИКОВ салайар буолбут.  МЕСТНИКОВ, Егор БОРИСОВ көмөлөһөөччүтүнэн ананыар диэри, Инвестиционнай политика уонна анал программа департаменын начальнигын солбуйааччытынан үлэлии сылдьыбыта.
***

"Николай МЕСТНИКОВ аэропортка, авиацияҕа туох да сыһыана, анал үөрэҕэ суох киһи, син биир суруналыыһы хирурунан үлэлэтэ ыыппыттарын курдук", - диэн былааска чугас киһи бу сонуну ырытар.
***
Санатар эбит буоллахха, Андрей ИЛЛАРИОНОВ аата хаста да прессаҕа айдааннары кытары сибээстэнэн күөрэйэ сылдьыбыта. Биэс-хас сыллааҕыта ИЛЛАРИОНОВ үлэлии олорон кабинетыгар быһахтанан холуобунай дьыала тэриллибитэ. Буруйдаах, ИЛЛАРИОНОВ биир дойдулааҕа - Михаил Ч. буруйун боруостаан хаайыыга олорон тахсыбыта. Быһахтаныы туохтан сылтаан тахсыбытын ким даҕаны улаханнык тэнитэ сорумматаҕа, арай, сир-буор аннынан Дьокуускай пуордуттан таһаҕас таһыытыттан сыһыаннаах диэн усках сурах тарҕаммыта.
***
Андрей Аркадьевич Илларионов 1959 сыллаахха Ньурбаҕа төрөөбүтэ. 10 саастааҕар дьонун кытары Уус Майаҕа көспүттэрэ. Ригатааҕы гражданскай авиация институтун бүтэрбитэ.Баатаҕайга, Маҕаҥҥа үлэлээбитэ. "Саха Авиа" хампаанньаҕа 1993 сылтан кэлэн генеральнай дириэктэр солбуйааччытынан үлэлээбитэ. Онтон "Якутавиатранска" үлэлии сылдьан 1997 сыллаахха  "Саха Авиа" НАК аэропортарын комплексын салайбыта. Ити сыл Правительство дьаһалынан "Аэропорт Якутск" ГУТ генеральнай дириэктэринэн анаммыта. Нуучча кыыһын кэргэн ылан икки уол оҕону төрөтөн иитэр. 
***
Аартык.ру