Хаһыат Саҥа дьыл кэнниттэн тэрийээччитэ уларыйыахтаах диэн коллегаларбыт кэпсииллэр. Ол төрүөтүнэн бу күһүн "Саха сирэ" уонна "Якутия" - правительственнай хаһыаттар холбоһон "Саха-медиа"  холдиҥҥа кубулуйбуттара буолар. Санатар эбит буоллахха, саҥа холдинг салайааччытынан Кирилл АЛЕКСЕЕВ ("Наше время" ИД генеральнай дириэктэрэ) анаммыта.
Бастааҥҥы былаанынан, "Саха-медиаҕа" улуус хаһыаттара эмиэ киириэхтээхтэрэ. Президент олунньуга диэри дьоһуннаах этии киириэҕэр диэри улуус хаһыаттарын тыыппаттарыгар сорудахтаабыта.
Кэлиҥҥи информациянан, улуус хаһыаттарын быһаччы тэрийээччитэ - СР правительствота, чуолаан премьер Галина ДАНЧИКОВА, "Саха-медиа" холдиҥҥа "улуустары" биэрэри утарбыт. Онон, сэрэйдэххэ, "улуустар" уруккуларынан правительствоҕа хаалан, бюджеттэн үбүлэнэллэрэ тохтотуллуо суоҕа.   Оттон типографияны бас билэр - "Медиа-холдинг ЯКУТИЯ" ААО анал процедураны ааһан баран "Саха-медиаҕа" холбонуохтаах. 
Генеральнай дириэктэр Кирилл Алексеев, типография тэрийэн таһаарар "Вести Якутии" хаһыатын сабыан баҕарталаабыт. Ол гынан баран, типография генеральнай дириэктэрэ Вячеслав Сергеев "оҕотун" атаҕастаппатах: правительство көмөтүнэн атын тэрийээччини булбут. Саҥа тэрийээччи аата тохсунньуга аата  доргуччу этиллиэҕэ  диэн эрэннэрэллэр.
***
Аартык.ру