Бу икки оскуола 1-кы гильдиялаах меценат-атыыһыт, бочуоттаах инородец Н.О. Кривошапкин аатын сүгэллэр. 1912 сыллаахха Дьокуускай куорат килбэйэр киинигэр Өймөкөөн атыыһыта үтүмэн үбүнэн көмөлөһөн икки мэндиэмэннээх таас оскуоланы туттарбыта. Онон  5 №-дээх орто оскуола быйыл 100 сааһын бэлиэтиир эмиэ улахан суолталаах үбүлүөйэ. Оттон Өймөкөөн орто оскуолатыгар быйыл күһүн балаҕан ыйыгар Н.О. Кривошапкин аата иҥэриллибитэ. Меценат атыыһыт аатынан сахалыы тыллаах тыа сирин  уонна  нууччалыы тыллаах киин куорат оскуолалара быйылгы Норуоттар доҕордоһууларын сылынан "бырааттыы оскуолаларынан" буолбуттара -- эмиэ биир бэлиэ түгэн.

            Тымныы полюһуттан -- Өймөкөөнтөн сылдьар учууталлар уонна нэһилиэк баһылыга Рустам Кривошапкин 5 №-дээх орто оскуола директора Антонина Кычкинаны кытта бииргэ үлэлээһин боппуруостарын сүбэлэстилэр, кэскиллээх бырайыактары торумнаатылар.

 

Елена ПОТОЦКАЯ