"Ньыгыллар" политсүбэлэрин сэкиритээрин, састаабын талаллар
Среда, 05 Декабря 2012 14:52
Бүгүн, ахсынньы аан-даам тымныытыгар, 5-с чыыһылаҕа АЛРОСА АК Дьокуускайдааҕы бэрэстэбиитэлистибэтин дьиэтигэр, "Биир ньыгыл Арассыыйа" региональнай салаата политсүбэтин саҥа састаабын уонна сэкиритээрин талыахтара.
Онтон сылтаан кэлэр быыбардарга партия испииһэгэр кимнээх киирэллэрэ биллиэҕэ.
Аартык.ру эрдэ биллэрбитинэн, Ил Түмэн биир мандааттаах депутаттарын талар быыбардыыр уокуруктар тыырыллан бүтэ сыталлар. Сир-буор аннынан иһиттэххэ, уокуруктары ЕР чөмчөкөтө быһаччы кыттыһан туран тыырбыт. Дьиҥинэн, уокуруктары быыбардыыр хамыыһыйа олохтуур бырааптааҕа.
***
Аартык.ру