Анатолий КЫРДЖАГАСОВЫ агитациялыыр Ил Түмэн депутата Эрнст БЕРЕЗКИН "бастакынан кылаабынай архитекторы устуохха наада" диэн быыбардааччылары кытары көрсүһүүгэ сөҥ куолаһынан дорҕоонноохтук этэн турар. Ол кэнниттэн кандидаттар үтүктүспүт курдук "архитекторы суулларааһынынан" үлүһүйбүттэрэ. Арай, Айсен НИКОЛАЕВ тугу да саҥарбатаҕа эрээри, чуолаан кини АЛЕКСЕЕВЫ уһулбута. Онно төрүөтүнэн президент Егор БОРИСОВ биир үтүө күн куораты кэрийбититтэн сылтах тахсыбыта. Пресса Николай АЛЕКСЕЕВ икки дархан сэриитигэр сиэртибэ буолан суулунна диэн түмүк оҥорбута. 
***
Бүгүҥҥүттэн саҕалаан кылаабынай архитектор дуоһунаһыгар киирбит сайаапкалары ырытыы саҕаланыаҕа. Онтон мээр кэмниэ-кэнэҕэс кураанах турар дуоһунас кириэһилэтигэр кими эмэ аныаҕа.
*** 
Аартык.ру