Ольга ФЕДОРОВА парламеҥҥа биир саамай уопуттаах уонна үрдүк таһымнаах депутат быһыытынан биллэр, ол гынан баран "Тумууһап этэрээтин" киһитэ буолан дьалты тутуллара баар суол. Ол иһин даҕаны "Якутскэнерго" кинини кытары үс сыллаах контрага бүппүтүн кэннэ быраһаайдаста диэн этэллэр. Өскөтүн Ольга Николаевна "сөптөөх" партия чилиэнэ эбитэ буоллар карьерата эҥкилэ суох салҕаныаҕа хаалла диэн билэр дьон этэллэр. 
Санатар эбит буоллахха "Якутскэнерго" билиҥҥи салайааччыта Олег ТАРАСОВ "ньыгыллар" киһилэрэ. 
Энергетиктэр урукку салайааччылара Константин ИЛЬКОВСКАЙ билигин Забайкальеттан Госдумаҕа депутаттыыр. Бу күһүн Бастакы президент юбилейыгар Михаил НИКОЛАЕВ быстыспат арыалдьытынан Дьокуускайга, Хаҥаласка кэлэ сырытта. Сурах быһыытынан эттэххэ, Константин Константинович Бастакы президени кытары мээнэҕэ сылдьыбат. Михаил Ефимович хонноҕун анныгар сылдьан Ил Дархан быыбарыгар кыттар санаалааҕын кэпсииллэр.
*** 
Аартык.ру