Урукку дьылларга тэрилтэтэлэр бэйэлэрин үлэһиттэригэр дьиэ, дьыссаат, кулууп тутан биэрэллэрэ үгэһирэн хаалан, улахан сэҥээриини ылбат да курдуга. Оттон билиҥҥи кэмҥэ тэрилтэ үлэһиттэрин дьиэлиирэ  улахан дьыалаҕа кубулуйда.

Жатайга тутуллуохтаах дьиэ былаанын «Стройконсалтинг» ХЭТ оҥорбут. Кумааҕыга көстөрүнэн дьиэ учаастага  1934 кв.м, дьиэ түөрт секциянан араас бырайыактаммыт. Массыына турар сирэ, оҕо оонньуур уонна спордунан дьарыктанар  былаһаакката баар буолуоҕа.  Квартиралар 36 кв.м саҕалаан

иэннээх буолуохтара. Бу дьиэ Жатайга саамай улахан тутуу буолуоҕа диэн “лорпалар” киэн тутта кэпсииллэр.

Свая түһэр сиэригэр  «ЛОРП» ААО генеральнай дириэктэрэ уонна Ил Түмэн дьокутаата Сергей Ларионов тэрилтэ улаатарыгар, тахсыылаахтык үлэлииригэр таһымнаах каадырдар наадалар, оттон үчүгэй үлэһит сылаас-сырдык дьиэлээх-уоттаах буолуохтаах диэн эппитин мустубут дьон сөбүлүү иһиттилэр.