***
Сэтинньи 29 күнүгэр, Государственнай сэбиэт президиумун түмэн В.Путин Илин Уһук уонна Забайкалья регионнарын сайдыытыгар мунньах ыытта. Онно Вячеслав Штыров тыл эттэ.
Штыров Уһук Илиҥҥэ “революционнай миэрэлэр” наадаларын эттэ. Кини эрдэ бэчээккэ иһитиннэрбит үс сокуонун ылынар туһалааҕын өссө төгүл хатылаан президент кулгааҕар тиэртэ.
- Уһук Илин электроэнергетикэтин кэлимсэ үлэлэтэр ситим олохтоон баран дойду энергосистиэмэтин кытары холбуохха наада. Уһук Илиҥҥэ улахан государственнай уонна государственнай кыттыгастаах акционернай хампаанньалар үлэлииллэр. Кинилэр олохтоохтук уонна күүскэ үлэлиэхтэрин баҕараллар. Холобур, Гаас илиҥҥи программатын ылан көрүөххэ. Бу программа далааһына, “Уһук Илин уонна Забайкалье” федеральнай анал программатааҕар, хас да бүк улахан. Ол иһин Гаас илиҥҥи программатын, (саҥа оҥоһулла сатыыр да, бүппэт) Уһук Илин уонна Забайкалье социальнай-экономическэй сайдыытын государственнай программатын киининэн оҥоруохха наада. Уонна ол икки программаны холбоон баран федеральнай сокуон таһымыгар таһаарыахха. Сокуон быһыытынан Госпрограмма ылылыннаҕына, үлэ-хамнас чопчуланыаҕа, сааһыланыаҕа, бэрээдэктэниэҕэ, үп-харчы киирэрэ элбиэҕэ. Ону таһынан, бизнеһи бу регионнарга угуйарга “Уһук Илин социальнай-экономическай сайдыытын туһунан” иккис сокуону ылыныахха наада. Уһук Илиҥҥэ үлэлиир хампаанньалары, барыстан тутуллар нолуоктан уонна федеральнай хааһынаҕа киирэр 2 бырыһыантан босхолуохха. НДПИ көрүҥүнэн, хаачыстыбатынан, сир баайа ханна сытарыттан көрөн дифференциацияланыахтаах. Таҥастыыр секторынан дьарыктанар тэрилтэлэргэ чэпчэтии өссө элбэхтик көрүллүөхтээх. Экономика ураты зоналарын тэрийэн, туох да аукциона суох, олохтоох тэрилтэлэри киллэрэн үлэлэтиэххэ.
Уһук Илин уонна хоту олорор дьоҥҥо государство өттүттэн мэктиэ биэрэн компенсациялары уонна чэпчэтиилэри төнүннэриэххэ наада. Холобур, туох баар нэһилиэнньэҕэ барытыгар, икки сылга биирдэ Россия атын регионнарыгар кэлэллэрин-баралларын төлүөххэ.
Үһүс сокуон - “Государственнай корпорация туһунан” ылыллыан
В.Путин Федрация Сүбэтин вице-председателин этиитин сөбүлээтэ уонна туох баар ФС кэмитиэттэрин этиитин хомуйан киниэхэ киллэрэллэригэр сорудахтаата, - диэн kremlin.ru иһитиннэрэр.
Аартык.ру